வ்ரஜே ப்ரஸித்³த⁴ம் நவனீதசௌரம் கோ³பாங்க³னானாம் ச து³கூலசௌரம் । அனேகஜன்மார்ஜிதபாபசௌரம் சௌராக்³ரக³ண்யம் புருஷம் நமாமி ॥ 1 ॥ ஶ்ரீராதி⁴காயா ஹ்ருத³யஸ்ய சௌரம் நவாம்பு³த³ஶ்யாமலகாந்திசௌரம் । பதா³ஶ்ரிதானாம் ச ஸமஸ்தசௌரம் சௌராக்³ரக³ண்யம் புருஷம் நமாமி ॥ 2 ॥ அகிஞ்சனீக்ருத்ய பதா³ஶ்ரிதம் ய: கரோதி பி⁴க்ஷும் பதி² கே³ஹஹீனம் । கேனாப்யஹோ பீ⁴ஷணசௌர ஈத்³ருக்³- த்³ருஷ்ட:ஶ்ருதோ வா ந ஜக³த்த்ரயேபி ॥ 3 ॥ யதீ³ய நாமாபி ஹரத்யஶேஷம் கி³ரிப்ரஸாரான் அபி பாபராஶீன் । ஆஶ்சர்யரூபோ நனு சௌர ஈத்³ருக்³ த்³ருஷ்ட: ஶ்ருதோ வா ந மயா கதா³பி ॥ 4 ॥ த⁴னம் ச மானம் ச ததே²ந்த்³ரியாணி ப்ராணாம்ஶ்ச ஹ்ருத்வா மம ஸர்வமேவ । பலாயஸே குத்ர த்⁴ருதோத்³ய சௌர த்வம் ப⁴க்திதா³ம்னாஸி மயா நிருத்³த:⁴ ॥ 5 ॥ சி²னத்ஸி கோ⁴ரம் யமபாஶப³ந்த⁴ம் பி⁴னத்ஸி பீ⁴மம் ப⁴வபாஶப³ந்த⁴ம் । சி²னத்ஸி ஸர்வஸ்ய ஸமஸ்தப³ந்த⁴ம் நைவாத்மனோ ப⁴க்தக்ருதம் து ப³ந்த⁴ம் ॥ 6 ॥ மன்மானஸே தாமஸராஶிகோ⁴ரே காராக்³ருஹே து³:க²மயே நிப³த்³த:⁴ । லப⁴ஸ்வ ஹே சௌர! ஹரே! சிராய ஸ்வசௌர்யதோ³ஷோசிதமேவ த³ண்ட³ம் ॥ 7 ॥ காராக்³ருஹே வஸ ஸதா³ ஹ்ருத³யே மதீ³யே மத்³ப⁴க்திபாஶத்³ருட⁴ப³ந்த⁴னநிஶ்சல: ஸன் । த்வாம் க்ருஷ்ண ஹே! ப்ரலயகோடிஶதாந்தரேபி ஸர்வஸ்வசௌர! ஹ்ருத³யான் ந ஹி மோசயாமி ॥ 8 ॥ இதி ஶ்ரீபி³ல்வமங்க³லடா²கூரவிரசிதம் சௌராஷ்டகம் ஸம்பூர்ணம் । சௌரக்³ரக³ண்ய புருஷாஷ்டகம் ।