हैंహైHaindavamஹிહિં
📍
Font Size:
അച്യുതാഷ്ടകമ്
അച്യുതം കേശവം രാമനാരായണം
കൃഷ്ണദാമോദരം വാസുദേവം ഹരിം ।
ശ്രീധരം മാധവം ഗോപികാ വല്ലഭം
ജാനകീനായകം രാമചന്ദ്രം ഭജേ ॥ 1 ॥
അച്യുതം കേശവം സത്യഭാമാധവം
മാധവം ശ്രീധരം രാധികാ രാധിതം ।
ഇന്ദിരാമന്ദിരം ചേതസാ സുന്ദരം
ദേവകീനന്ദനം നന്ദജം സന്ദധേ ॥ 2 ॥
വിഷ്ണവേ ജിഷ്ണവേ ശങ്കനേ ചക്രിണേ
രുക്മിണീ രാഗിണേ ജാനകീ ജാനയേ ।
വല്ലവീ വല്ലഭായാർചിതാ യാത്മനേ
കംസ വിധ്വംസിനേ വംശിനേ തേ നമഃ ॥ 3 ॥
കൃഷ്ണ ഗോവിന്ദ ഹേ രാമ നാരായണ
ശ്രീപതേ വാസുദേവാജിത ശ്രീനിധേ ।
അച്യുതാനന്ത ഹേ മാധവാധോക്ഷജ
ദ്വാരകാനായക ദ്രൗപദീരക്ഷക ॥ 4 ॥
രാക്ഷസ ക്ഷോഭിതഃ സീതയാ ശോഭിതോ
ദണ്ഡകാരണ്യഭൂ പുണ്യതാകാരണഃ ।
ലക്ഷ്മണോനാന്വിതോ വാനരൈഃ സേവിതോ
അഗസ്ത്യ സമ്പൂജിതോ രാഘവഃ പാതു മാം ॥ 5 ॥
ധേനുകാരിഷ്ടകോഽനിഷ്ടകൃദ്ദ്വേഷിണാം
കേശിഹാ കംസഹൃദ്വൺശികാവാദകഃ ।
പൂതനാകോപകഃ സൂരജാഖേലനോ
ബാലഗോപാലകഃ പാതു മാം സർവദാ ॥ 6 ॥
വിദ്യുദുദ്യോതവത്പ്രസ്ഫുരദ്വാസസം
പ്രാവൃഡംഭോദവത്പ്രോല്ലസദ്വിഗ്രഹം ।
വന്യയാ മാലയാ ശോഭിതോരഃസ്ഥലം
ലോഹിതാംഘ്രിദ്വയം വാരിജാക്ഷം ഭജേ ॥ 7॥
കുഞ്ചിതൈഃ കുന്തലൈ ഭ്രാജമാനാനനം
രത്നമൗലിം ലസത്-കുണ്ഡലം ഗണ്ഡയോഃ ।
ഹാരകേയൂരകം കങ്കണ പ്രോജ്ജ്വലം
കിങ്കിണീ മഞ്ജുലം ശ്യാമലം തം ഭജേ ॥ 8 ॥
അച്യുതസ്യാഷ്ടകം യഃ പഠേദിഷ്ടദം
പ്രേമതഃ പ്രത്യഹം പൂരുഷഃ സസ്പൃഹം ।
വൃത്തതഃ സുന്ദരം കർതൃ വിശ്വംഭരഃ
തസ്യ വശ്യോ ഹരി ര്ജായതേ സത്വരം ॥
അച്യുതം കേശവം രാമനാരായണം
കൃഷ്ണദാമോദരം വാസുദേവം ഹരിം ।
ശ്രീധരം മാധവം ഗോപികാ വല്ലഭം
ജാനകീനായകം രാമചന്ദ്രം ഭജേ ॥ 1 ।
॥ ഇതി ശ്രീശങ്കരാചാര്യവിരചിതമച്യുതാഷ്ടകം സമ്പൂർണം ॥
Recite with devotion and pure heart
Regular practice brings spiritual benefits