हैंహైHaindavamஹிહિં
📍
Font Size:
മംഗളചണ്ഡികാ സ്തോത്രം
ധ്യാനം ।
ദേവീം ഷോഡശവർഷീയാം രമ്യാം സുസ്ഥിരയൗവനാം ।
സർവരൂപഗുണാഢ്യാം ച കോമലാംഗീം മനോഹരാം ॥ 1 ॥
ശ്വേതചമ്പകവർണാഭാം ചന്ദ്രകോടിസമപ്രഭാം ।
വഹ്നിശുദ്ധാംശുകാധാനാം രത്നഭൂഷണഭൂഷിതാം ॥ 2 ॥
ബിഭ്രതീം കബരീഭാരം മല്ലികാമാല്യഭൂഷിതം ।
ബിംബോഷ്ഠീം സുദതീം ശുദ്ധാം ശരത്പദ്മനിഭാനനാം ॥ 3 ॥
ഈഷദ്ധാസ്യപ്രസന്നാസ്യാം സുനീലോത്പലലോചനാം ।
ജഗദ്ധാത്രീം ച ദാത്രീം ച സർവേഭ്യഃ സർവസമ്പദാം ॥ 4 ॥
സംസാരസാഗരേ ഘോരേ പോതരുപാം വരാം ഭജേ ॥ 5 ॥
ദേവ്യാശ്ച ധ്യാനമിത്യേവം സ്തവനം ശ്രൂയതാം മുനേ ।
പ്രയതഃ സങ്കടഗ്രസ്തോ യേന തുഷ്ടാവ ശങ്കരഃ ॥ 6 ॥
ശങ്കര ഉവാച ।
രക്ഷ രക്ഷ ജഗന്മാതർദേവി മംഗലചണ്ഡികേ ।
സംഹർത്രി വിപദാം രാശേർഹർഷമംഗലകാരികേ ॥ 7 ॥
ഹർഷമംഗലദക്ഷേ ച ഹർഷമംഗലചണ്ഡികേ ।
ശുഭേ മംഗലദക്ഷേ ച ശുഭമംഗലചണ്ഡികേ ॥ 8 ॥
മംഗലേ മംഗലാർഹേ ച സർവമംഗലമംഗലേ ।
സതാം മംഗലദേ ദേവി സർവേഷാം മംഗലാലയേ ॥ 9 ॥
പൂജ്യാ മംഗലവാരേ ച മംഗലാഭീഷ്ടദൈവതേ ।
പൂജ്യേ മംഗലഭൂപസ്യ മനുവംശസ്യ സന്തതം ॥ 10 ॥
മംഗലാധിഷ്ഠാതൃദേവി മംഗലാനാം ച മംഗലേ ।
സംസാരമംഗലാധാരേ മോക്ഷമംഗലദായിനി ॥ 11 ॥
സാരേ ച മംഗലാധാരേ പാരേ ത്വം സർവകർമണാം ।
പ്രതിമംഗലവാരേ ച പൂജ്യേ ത്വം മംഗലപ്രദേ ॥ 12 ॥
സ്തോത്രേണാനേന ശംഭുശ്ച സ്തുത്വാ മംഗലചണ്ഡികാം ।
പ്രതിമംഗലവാരേ ച പൂജാം കൃത്വാ ഗതഃ ശിവഃ ॥ 13 ॥
ദേവ്യാശ്ച മംഗലസ്തോത്രം യഃ ശൃണോതി സമാഹിതഃ ।
തന്മംഗലം ഭവേച്ഛശ്വന്ന ഭവേത്തദമംഗലം ॥ 14 ॥
പ്രഥമേ പൂജിതാ ദേവീ ശംഭുനാ സർവമംഗലാ ।
ദ്വിതീയേ പൂജിതാ ദേവീ മംഗലേന ഗ്രഹേണ ച ॥ 15 ॥
തൃതീയേ പൂജിതാ ഭദ്രാ മംഗലേന നൃപേണ ച ।
ചതുർഥേ മംഗലേ വാരേ സുന്ദരീഭിശ്ച പൂജിതാ ।
പഞ്ചമേ മംഗലാകാങ്ക്ഷൈർനരൈർമംഗലചണ്ഡികാ ॥ 16 ॥
പൂജിതാ പ്രതിവിശ്വേഷു വിശ്വേശൈഃ പൂജിതാ സദാ ।
തതഃ സർവത്ര സമ്പൂജ്യ സാ ബഭൂവ സുരേശ്വരീ ॥ 17 ॥
ദേവാദിഭിശ്ച മുനിഭിർമനുഭിർമാനവൈർമുനേ ।
ദേവ്യാശ്ച മംഗലസ്തോത്രം യഃ ശൃണോതി സമാഹിതഃ ॥ 18 ॥
തന്മംഗലം ഭവേച്ഛശ്വന്ന ഭവേത്തദമംഗലം ।
വർധന്തേ തത്പുത്രപൗത്രാ മംഗലം ച ദിനേ ദിനേ ॥ 19 ॥
ഇതി ശ്രീബ്രഹ്മവൈവർതേ മഹാപുരാണേ പ്രകൃതിഖണ്ഡേ നാരദനാരായണസംവാദേ ചതുശ്ചത്വാരിംശോഽധ്യായേ മംഫ്ഗല ചണ്ഡികാ സ്തോത്രം ।
Recite with devotion and pure heart
Regular practice brings spiritual benefits