हैंహైHaindavamஹிહિં
📍
Font Size:
ദുർഗാ സഹസ്രനാമ സ്തോത്രം
നാരദ ഉവാച –
കുമാര ഗുണഗംഭീര ദേവസേനാപതേ പ്രഭോ ।
സർവാഭീഷ്ടപ്രദം പുംസാം സർവപാപപ്രണാശനം ॥ 1 ॥
ഗുഹ്യാദ്ഗുഹ്യതരം സ്തോത്രം ഭക്തിവർധകമഞ്ജസാ ।
മംഗലം ഗ്രഹപീഡാദിശാന്തിദം വക്തുമർഹസി ॥ 2 ॥
സ്കന്ദ ഉവാച –
ശൃണു നാരദ ദേവർഷേ ലോകാനുഗ്രഹകാമ്യയാ ।
യത്പൃച്ഛസി പരം പുണ്യം തത്തേ വക്ഷ്യാമി കൗതുകാത് ॥ 3 ॥
മാതാ മേ ലോകജനനീ ഹിമവന്നഗസത്തമാത് ।
മേനായാം ബ്രഹ്മവാദിന്യാം പ്രാദുർഭൂതാ ഹരപ്രിയാ ॥ 4 ॥
മഹതാ തപസാഽഽരാധ്യ ശങ്കരം ലോകശങ്കരം ।
സ്വമേവ വല്ലഭം ഭേജേ കലേവ ഹി കലാനിധിം ॥ 5 ॥
നഗാനാമധിരാജസ്തു ഹിമവാൻ വിരഹാതുരഃ ।
സ്വസുതായാഃ പരിക്ഷീണേ വസിഷ്ഠേന പ്രബോധിതഃ ॥ 6 ॥
ത്രിലോകജനനീ സേയം പ്രസന്നാ ത്വയി പുണ്യതഃ ।
പ്രാദുർഭൂതാ സുതാത്വേന തദ്വിയോഗം ശുഭം ത്യജ ॥ 7 ॥
ബഹുരൂപാ ച ദുർഗേയം ബഹുനാമ്നീ സനാതനീ ।
സനാതനസ്യ ജായാ സാ പുത്രീമോഹം ത്യജാധുനാ ॥ 8 ॥
ഇതി പ്രബോധിതഃ ശൈലഃ താം തുഷ്ടാവ പരാം ശിവാം ।
തദാ പ്രസന്നാ സാ ദുർഗാ പിതരം പ്രാഹ നന്ദിനീ ॥ 9 ॥
മത്പ്രസാദാത്പരം സ്തോത്രം ഹൃദയേ പ്രതിഭാസതാം ।
തേന നാമ്നാം സഹസ്രേണ പൂജയൻ കാമമാപ്നുഹി ॥ 10 ॥
ഇത്യുക്ത്വാന്തർഹിതായാം തു ഹൃദയേ സ്ഫുരിതം തദാ ।
നാമ്നാം സഹസ്രം ദുർഗായാഃ പൃച്ഛതേ മേ യദുക്തവാൻ ॥ 11 ॥
മംഗലാനാം മംഗലം തദ്ദുർഗാനാമസഹസ്രകം ।
സർവാഭീഷ്ടപ്രദം പുംസാം ബ്രവീമ്യഖിലകാമദം ॥ 12 ॥
ദുർഗാദേവീ സമാഖ്യാതാ ഹിമവാനൃഷിരുച്യതേ ।
ഛന്ദോഽനുഷ്ടുപ് ജപോ ദേവ്യാഃ പ്രീതയേ ക്രിയതേ സദാ ॥ 13 ॥
അസ്യ ശ്രീദുർഗാസ്തോത്രമഹാമന്ത്രസ്യ, ഹിമവാൻ ഋഷിഃ, അനുഷ്ടുപ് ഛന്ദഃ, ദുർഗാ ഭഗവതീ ദേവതാ, ശ്രീദുർഗാ പ്രസാദ സിദ്ധ്യർഥേ ജപേ വിനിയോഗഃ ।
ധ്യാനം –
കാലാഭ്രാഭാം കടാക്ഷൈരരികുലഭയദാം മൗലിബദ്ധേന്ദുരേഖാം
ശംഖം ചക്രം കൃപാണം ത്രിശിഖമപി കരൈരുദ്വഹന്തീം ത്രിനേത്രാം ।
സിംഹസ്കന്ധാധിരൂഢാം ത്രിഭുവനമഖിലം തേജസാ പൂരയന്തീം
ധ്യായേദ്ദുർഗാം ജയാഖ്യാം ത്രിദശപരിവൃതാം സേവിതാം സിദ്ധികാമൈഃ ॥
॥ ഓം ഹ്രീം ॥
അഥ സ്തോത്രം –
ശിവാഽഥോമാ രമാ ശക്തിരനന്താ നിഷ്കലാഽമലാ ।
ശാന്താ മാഹേശ്വരീ നിത്യാ ശാശ്വതാ പരമാ ക്ഷമാ ॥ 1 ॥
അചിന്ത്യാ കേവലാഽനന്താ ശിവാത്മാ പരമാത്മികാ ।
അനാദിരവ്യയാ ശുദ്ധാ സർവജ്ഞാ സർവഗാഽചലാ ॥ 2 ॥
ഏകാനേകവിഭാഗസ്ഥാ മായാതീതാ സുനിർമലാ ।
മഹാമാഹേശ്വരീ സത്യാ മഹാദേവീ നിരഞ്ജനാ ॥ 3 ॥
കാഷ്ഠാ സർവാന്തരസ്ഥാഽപി ചിച്ഛക്തിശ്ചാത്രിലാലിതാ ।
സർവാ സർവാത്മികാ വിശ്വാ ജ്യോതീരൂപാഽക്ഷരാഽമൃതാ ॥ 4 ॥
ശാന്താ പ്രതിഷ്ഠാ സർവേശാ നിവൃത്തിരമൃതപ്രദാ ।
വ്യോമമൂർതിർവ്യോമസംസ്ഥാ വ്യോമാധാരാഽച്യുതാഽതുലാ ॥ 5 ॥
അനാദിനിധനാഽമോഘാ കാരണാത്മകലാകുലാ ।
ഋതുപ്രഥമജാഽനാഭിരമൃതാത്മസമാശ്രയാ ॥ 6 ॥
പ്രാണേശ്വരപ്രിയാ നമ്യാ മഹാമഹിഷഘാതിനീ ।
പ്രാണേശ്വരീ പ്രാണരൂപാ പ്രധാനപുരുഷേശ്വരീ ॥ 7 ॥
സർവശക്തികലാഽകാമാ മഹിഷേഷ്ടവിനാശിനീ ।
സർവകാര്യനിയന്ത്രീ ച സർവഭൂതേശ്വരേശ്വരീ ॥ 8 ॥
അംഗദാദിധരാ ചൈവ തഥാ മുകുടധാരിണീ ।
സനാതനീ മഹാനന്ദാഽഽകാശയോനിസ്തഥോച്യതേ ॥ 9 ॥
ചിത്പ്രകാശസ്വരൂപാ ച മഹായോഗേശ്വരേശ്വരീ ।
മഹാമായാ സുദുഷ്പാരാ മൂലപ്രകൃതിരീശികാ ॥ 10 ॥
സംസാരയോനിഃ സകലാ സർവശക്തിസമുദ്ഭവാ ।
സംസാരപാരാ ദുർവാരാ ദുർനിരീക്ഷാ ദുരാസദാ ॥ 11 ॥
പ്രാണശക്തിശ്ച സേവ്യാ ച യോഗിനീ പരമാ കലാ ।
മഹാവിഭൂതിർദുർദർശാ മൂലപ്രകൃതിസംഭവാ ॥ 12 ॥
അനാദ്യനന്തവിഭവാ പരാർഥാ പുരുഷാരണിഃ ।
സർഗസ്ഥിത്യന്തകൃച്ചൈവ സുദുർവാച്യാ ദുരത്യയാ ॥ 13 ॥
ശബ്ദഗമ്യാ ശബ്ദമായാ ശബ്ദാഖ്യാനന്ദവിഗ്രഹാ ।
പ്രധാനപുരുഷാതീതാ പ്രധാനപുരുഷാത്മികാ ॥ 14 ॥
പുരാണീ ചിന്മയാ പുംസാമിഷ്ടദാ പുഷ്ടിരൂപിണീ ।
പൂതാന്തരസ്ഥാ കൂടസ്ഥാ മഹാപുരുഷസഞ്ജ്ഞിതാ ॥ 15 ॥
ജന്മമൃത്യുജരാതീതാ സർവശക്തിസ്വരൂപിണീ ।
വാഞ്ഛാപ്രദാഽനവച്ഛിന്നപ്രധാനാനുപ്രവേശിനീ ॥ 16 ॥
ക്ഷേത്രജ്ഞാഽചിന്ത്യശക്തിസ്തു പ്രോച്യതേഽവ്യക്തലക്ഷണാ ।
മലാപവർജിതാഽനാദിമായാ ത്രിതയതത്ത്വികാ ॥ 17 ॥
പ്രീതിശ്ച പ്രകൃതിശ്ചൈവ ഗുഹാവാസാ തഥോച്യതേ ।
മഹാമായാ നഗോത്പന്നാ താമസീ ച ധ്രുവാ തഥാ ॥ 18 ॥
വ്യക്താവ്യക്താത്മികാ കൃഷ്ണാ രക്താ ശുക്ലാ ഹ്യകാരണാ ।
പ്രോച്യതേ കാര്യജനനീ നിത്യപ്രസവധർമിണീ ॥ 19 ॥
സർഗപ്രലയമുക്താ ച സൃഷ്ടിസ്ഥിത്യന്തധർമിണീ ।
ബ്രഹ്മഗർഭാ ചതുർവിംശസ്വരൂപാ പദ്മവാസിനീ ॥ 20 ॥
അച്യുതാഹ്ലാദികാ വിദ്യുദ്ബ്രഹ്മയോനിർമഹാലയാ ।
മഹാലക്ഷ്മീഃ സമുദ്ഭാവഭാവിതാത്മാ മഹേശ്വരീ ॥ 21 ॥
മഹാവിമാനമധ്യസ്ഥാ മഹാനിദ്രാ സകൗതുകാ ।
സർവാർഥധാരിണീ സൂക്ഷ്മാ ഹ്യവിദ്ധാ പരമാർഥദാ ॥ 22 ॥
അനന്തരൂപാഽനന്താർഥാ തഥാ പുരുഷമോഹിനീ ।
അനേകാനേകഹസ്താ ച കാലത്രയവിവർജിതാ ॥ 23 ॥
ബ്രഹ്മജന്മാ ഹരപ്രീതാ മതിർബ്രഹ്മശിവാത്മികാ ।
ബ്രഹ്മേശവിഷ്ണുസമ്പൂജ്യാ ബ്രഹ്മാഖ്യാ ബ്രഹ്മസഞ്ജ്ഞിതാ ॥ 24 ॥
വ്യക്താ പ്രഥമജാ ബ്രാഹ്മീ മഹാരാത്രിഃ പ്രകീർതിതാ ।
ജ്ഞാനസ്വരൂപാ വൈരാഗ്യരൂപാ ഹ്യൈശ്വര്യരൂപിണീ ॥ 25 ॥
ധർമാത്മികാ ബ്രഹ്മമൂർതിഃ പ്രതിശ്രുതപുമർഥികാ ।
അപാമ്യോനിഃ സ്വയംഭൂതാ മാനസീ തത്ത്വസംഭവാ ॥ 26 ॥
ഈശ്വരസ്യ പ്രിയാ പ്രോക്താ ശങ്കരാർധശരീരിണീ ।
ഭവാനീ ചൈവ രുദ്രാണീ മഹാലക്ഷ്മീസ്തഥാഽമ്ബികാ ॥ 27 ॥
മഹേശ്വരസമുത്പന്നാ ഭുക്തിമുക്തിപ്രദായിനീ ।
സർവേശ്വരീ സർവവന്ദ്യാ നിത്യമുക്താ സുമാനസാ ॥ 28 ॥
മഹേന്ദ്രോപേന്ദ്രനമിതാ ശാങ്കരീശാനുവർതിനീ ।
ഈശ്വരാർധാസനഗതാ മഹേശ്വരപതിവ്രതാ ॥ 29 ॥
സംസാരശോഷിണീ ചൈവ പാർവതീ ഹിമവത്സുതാ ।
പരമാനന്ദദാത്രീ ച ഗുണാഗ്ര്യാ യോഗദാ തഥാ ॥ 30 ॥
ജ്ഞാനമൂർതിശ്ച സാവിത്രീ ലക്ഷ്മീഃ ശ്രീഃ കമലാ തഥാ ।
അനന്തഗുണഗംഭീരാ ഹ്യുരോനീലമണിപ്രഭാ ॥ 31 ॥
സരോജനിലയാ ഗംഗാ യോഗിധ്യേയാഽസുരാർദിനീ ।
സരസ്വതീ സർവവിദ്യാ ജഗജ്ജ്യേഷ്ഠാ സുമംഗലാ ॥ 32 ॥
വാഗ്ദേവീ വരദാ വര്യാ കീർതിഃ സർവാർഥസാധികാ ।
വാഗീശ്വരീ ബ്രഹ്മവിദ്യാ മഹാവിദ്യാ സുശോഭനാ ॥ 33 ॥
ഗ്രാഹ്യവിദ്യാ വേദവിദ്യാ ധർമവിദ്യാഽഽത്മഭാവിതാ ।
സ്വാഹാ വിശ്വംഭരാ സിദ്ധിഃ സാധ്യാ മേധാ ധൃതിഃ കൃതിഃ ॥ 34 ॥
സുനീതിഃ സങ്കൃതിശ്ചൈവ കീർതിതാ നരവാഹിനീ ।
പൂജാവിഭാവിനീ സൗമ്യാ ഭോഗ്യഭാഗ്ഭോഗദായിനീ ॥ 35 ॥
ശോഭാവതീ ശാങ്കരീ ച ലോലാ മാലാവിഭൂഷിതാ ।
പരമേഷ്ഠിപ്രിയാ ചൈവ ത്രിലോകസുന്ദരീ മതാ ॥ 36 ॥
നന്ദാ സന്ധ്യാ കാമധാത്രീ മഹാദേവീ സുസാത്ത്വികാ ।
മഹാമഹിഷദർപഘ്നീ പദ്മമാലാഽഘഹാരിണീ ॥ 37 ॥
വിചിത്രമുകുടാ രാമാ കാമദാതാ പ്രകീർതിതാ ।
പിതാംബരധരാ ദിവ്യവിഭൂഷണവിഭൂഷിതാ ॥ 38 ॥
ദിവ്യാഖ്യാ സോമവദനാ ജഗത്സംസൃഷ്ടിവർജിതാ ।
നിര്യന്ത്രാ യന്ത്രവാഹസ്ഥാ നന്ദിനീ രുദ്രകാലികാ ॥ 39 ॥
ആദിത്യവർണാ കൗമാരീ മയൂരവരവാഹിനീ ।
പദ്മാസനഗതാ ഗൗരീ മഹാകാലീ സുരാർചിതാ ॥ 40 ॥
അദിതിർനിയതാ രൗദ്രീ പദ്മഗർഭാ വിവാഹനാ ।
വിരൂപാക്ഷാ കേശിവാഹാ ഗുഹാപുരനിവാസിനീ ॥ 41 ॥
മഹാഫലാഽനവദ്യാംഗീ കാമരൂപാ സരിദ്വരാ ।
ഭാസ്വദ്രൂപാ മുക്തിദാത്രീ പ്രണതക്ലേശഭഞ്ജനാ ॥ 42 ॥
കൗശികീ ഗോമിനീ രാത്രിസ്ത്രിദശാരിവിനാശിനീ ।
ബഹുരൂപാ സുരൂപാ ച വിരൂപാ രൂപവർജിതാ ॥ 43 ॥
ഭക്താർതിശമനാ ഭവ്യാ ഭവഭാവവിനാശിനീ ।
സർവജ്ഞാനപരീതാംഗീ സർവാസുരവിമർദികാ ॥ 44 ॥
പികസ്വനീ സാമഗീതാ ഭവാങ്കനിലയാ പ്രിയാ ।
ദീക്ഷാ വിദ്യാധരീ ദീപ്താ മഹേന്ദ്രാഹിതപാതിനീ ॥ 45 ॥
സർവദേവമയാ ദക്ഷാ സമുദ്രാന്തരവാസിനീ ।
അകലങ്കാ നിരാധാരാ നിത്യസിദ്ധാ നിരാമയാ ॥ 46 ॥
കാമധേനുർബൃഹദ്ഗർഭാ ധീമതീ മൗനനാശിനീ ।
നിഃസങ്കല്പാ നിരാതങ്കാ വിനയാ വിനയപ്രദാ ॥ 47 ॥
ജ്വാലാമാലാ സഹസ്രാഢ്യാ ദേവദേവീ മനോമയാ ।
സുഭഗാ സുവിശുദ്ധാ ച വസുദേവസമുദ്ഭവാ ॥ 48 ॥
മഹേന്ദ്രോപേന്ദ്രഭഗിനീ ഭക്തിഗമ്യാ പരാവരാ ।
ജ്ഞാനജ്ഞേയാ പരാതീതാ വേദാന്തവിഷയാ മതിഃ ॥ 49 ॥
ദക്ഷിണാ ദാഹികാ ദഹ്യാ സർവഭൂതഹൃദിസ്ഥിതാ ।
യോഗമായാ വിഭാഗജ്ഞാ മഹാമോഹാ ഗരീയസീ ॥ 50 ॥
സന്ധ്യാ സർവസമുദ്ഭൂതാ ബ്രഹ്മവൃക്ഷാശ്രയാഽദിതിഃ ।
ബീജാങ്കുരസമുദ്ഭൂതാ മഹാശക്തിർമഹാമതിഃ ॥ 51 ॥
ഖ്യാതിഃ പ്രജ്ഞാവതീ സഞ്ജ്ഞാ മഹാഭോഗീന്ദ്രശായിനീ ।
ഹീങ്കൃതിഃ ശങ്കരീ ശാന്തിർഗന്ധർവഗണസേവിതാ ॥ 52 ॥
വൈശ്വാനരീ മഹാശൂലാ ദേവസേനാ ഭവപ്രിയാ ।
മഹാരാത്രീ പരാനന്ദാ ശചീ ദുഃസ്വപ്നനാശിനീ ॥ 53 ॥
ഈഡ്യാ ജയാ ജഗദ്ധാത്രീ ദുർവിജ്ഞേയാ സുരൂപിണീ ।
ഗുഹാംബികാ ഗണോത്പന്നാ മഹാപീഠാ മരുത്സുതാ ॥ 54 ॥
ഹവ്യവാഹാ ഭവാനന്ദാ ജഗദ്യോനിഃ പ്രകീർതിതാ ।
ജഗന്മാതാ ജഗന്മൃത്യുർജരാതീതാ ച ബുദ്ധിദാ ॥ 55 ॥
സിദ്ധിദാത്രീ രത്നഗർഭാ രത്നഗർഭാശ്രയാ പരാ ।
ദൈത്യഹന്ത്രീ സ്വേഷ്ടദാത്രീ മംഗലൈകസുവിഗ്രഹാ ॥ 56 ॥
പുരുഷാന്തർഗതാ ചൈവ സമാധിസ്ഥാ തപസ്വിനീ ।
ദിവിസ്ഥിതാ ത്രിണേത്രാ ച സർവേന്ദ്രിയമനോധൃതിഃ ॥ 57 ॥
സർവഭൂതഹൃദിസ്ഥാ ച തഥാ സംസാരതാരിണീ ।
വേദ്യാ ബ്രഹ്മ വിവേദ്യാ ച മഹാലീലാ പ്രകീർതിതാ ॥ 58 ॥
ബ്രാഹ്മണി ബൃഹതീ ബ്രാഹ്മീ ബ്രഹ്മഭൂതാഽഘഹാരിണീ ।
ഹിരണ്മയീ മഹാദാത്രീ സംസാരപരിവർതികാ ॥ 59 ॥
സുമാലിനീ സുരൂപാ ച ഭാസ്വിനീ ധാരിണീ തഥാ ।
ഉന്മൂലിനീ സർവസമാ സർവപ്രത്യയസാക്ഷിണീ ॥ 60 ॥
സുസൗമ്യാ ചന്ദ്രവദനാ താണ്ഡവാസക്തമാനസാ ।
സത്ത്വശുദ്ധികരീ ശുദ്ധാ മലത്രയവിനാശിനീ ॥ 61 ॥
ജഗത്ത്രയീ ജഗന്മൂർതിസ്ത്രിമൂർതിരമൃതാശ്രയാ ।
വിമാനസ്ഥാ വിശോകാ ച ശോകനാശിന്യനാഹതാ ॥ 62 ॥
ഹേമകുണ്ഡലിനീ കാലീ പദ്മവാസാ സനാതനീ ।
സദാകീർതിഃ സർവഭൂതശയാ ദേവീ സതാം പ്രിയാ ॥ 63 ॥
ബ്രഹ്മമൂർതികലാ ചൈവ കൃത്തികാ കഞ്ജമാലിനീ ।
വ്യോമകേശാ ക്രിയാശക്തിരിച്ഛാശക്തിഃ പരാ ഗതിഃ ॥ 64 ॥
ക്ഷോഭികാ ഖണ്ഡികാഭേദ്യാ ഭേദാഭേദവിവർജിതാ ।
അഭിന്നാ ഭിന്നസംസ്ഥാനാ വശിനീ വംശധാരിണീ ॥ 65 ॥
ഗുഹ്യശക്തിർഗുഹ്യതത്ത്വാ സർവദാ സർവതോമുഖീ ।
ഭഗിനീ ച നിരാധാരാ നിരാഹാരാ പ്രകീർതിതാ ॥ 66 ॥
നിരങ്കുശപദോദ്ഭൂതാ ചക്രഹസ്താ വിശോധികാ ।
സ്രഗ്വിണീ പദ്മസംഭേദകാരിണീ പരികീർതിതാ ॥ 67 ॥
പരാവരവിധാനജ്ഞാ മഹാപുരുഷപൂർവജാ ।
പരാവരജ്ഞാ വിദ്യാ ച വിദ്യുജ്ജിഹ്വാ ജിതാശ്രയാ ॥ 68 ॥
വിദ്യാമയീ സഹസ്രാക്ഷീ സഹസ്രവദനാത്മജാ ।
സഹസ്രരശ്മിഃ സത്വസ്ഥാ മഹേശ്വരപദാശ്രയാ ॥ 69 ॥
ജ്വാലിനീ സന്മയാ വ്യാപ്താ ചിന്മയാ പദ്മഭേദികാ ।
മഹാശ്രയാ മഹാമന്ത്രാ മഹാദേവമനോരമാ ॥ 70 ॥
വ്യോമലക്ഷ്മീഃ സിംഹരഥാ ചേകിതാനാഽമിതപ്രഭാ ।
വിശ്വേശ്വരീ ഭഗവതീ സകലാ കാലഹാരിണീ ॥ 71 ॥
സർവവേദ്യാ സർവഭദ്രാ ഗുഹ്യാ ഗൂഢാ ഗുഹാരണീ ।
പ്രലയാ യോഗധാത്രീ ച ഗംഗാ വിശ്വേശ്വരീ തഥാ ॥ 72 ॥
കാമദാ കനകാ കാന്താ കഞ്ജഗർഭപ്രഭാ തഥാ ।
പുണ്യദാ കാലകേശാ ച ഭോക്ത്രീ പുഷ്കരിണീ തഥാ ॥ 73 ॥
സുരേശ്വരീ ഭൂതിദാത്രീ ഭൂതിഭൂഷാ പ്രകീർതിതാ ।
പഞ്ചബ്രഹ്മസമുത്പന്നാ പരമാർഥാഽർഥവിഗ്രഹാ ॥ 74 ॥
വർണോദയാ ഭാനുമൂർതിർവാഗ്വിജ്ഞേയാ മനോജവാ ।
മനോഹരാ മഹോരസ്കാ താമസീ വേദരൂപിണീ ॥ 75 ॥
വേദശക്തിർവേദമാതാ വേദവിദ്യാപ്രകാശിനീ ।
യോഗേശ്വരേശ്വരീ മായാ മഹാശക്തിർമഹാമയീ ॥ 76 ॥
വിശ്വാന്തഃസ്ഥാ വിയന്മൂർതിർഭാർഗവീ സുരസുന്ദരീ ।
സുരഭിർനന്ദിനീ വിദ്യാ നന്ദഗോപതനൂദ്ഭവാ ॥ 77 ॥
ഭാരതീ പരമാനന്ദാ പരാവരവിഭേദികാ ।
സർവപ്രഹരണോപേതാ കാമ്യാ കാമേശ്വരേശ്വരീ ॥ 78 ॥
അനന്താനന്ദവിഭവാ ഹൃല്ലേഖാ കനകപ്രഭാ ।
കൂഷ്മാണ്ഡാ ധനരത്നാഢ്യാ സുഗന്ധാ ഗന്ധദായിനീ ॥ 79 ॥
ത്രിവിക്രമപദോദ്ഭൂതാ ചതുരാസ്യാ ശിവോദയാ ।
സുദുർലഭാ ധനാധ്യക്ഷാ ധന്യാ പിംഗലലോചനാ ॥ 80 ॥
ശാന്താ പ്രഭാസ്വരൂപാ ച പങ്കജായതലോചനാ ।
ഇന്ദ്രാക്ഷീ ഹൃദയാന്തഃസ്ഥാ ശിവാ മാതാ ച സത്ക്രിയാ ॥ 81 ॥
ഗിരിജാ ച സുഗൂഢാ ച നിത്യപുഷ്ടാ നിരന്തരാ ।
ദുർഗാ കാത്യായനീ ചണ്ഡീ ചന്ദ്രികാ കാന്തവിഗ്രഹാ ॥ 82 ॥
ഹിരണ്യവർണാ ജഗതീ ജഗദ്യന്ത്രപ്രവർതികാ ।
മന്ദരാദ്രിനിവാസാ ച ശാരദാ സ്വർണമാലിനീ ॥ 83 ॥
രത്നമാലാ രത്നഗർഭാ വ്യുഷ്ടിർവിശ്വപ്രമാഥിനീ ।
പദ്മാനന്ദാ പദ്മനിഭാ നിത്യപുഷ്ടാ കൃതോദ്ഭവാ ॥ 84 ॥
നാരായണീ ദുഷ്ടശിക്ഷാ സൂര്യമാതാ വൃഷപ്രിയാ ।
മഹേന്ദ്രഭഗിനീ സത്യാ സത്യഭാഷാ സുകോമലാ ॥ 85 ॥
വാമാ ച പഞ്ചതപസാം വരദാത്രീ പ്രകീർതിതാ ।
വാച്യവർണേശ്വരീ വിദ്യാ ദുർജയാ ദുരതിക്രമാ ॥ 86 ॥
കാലരാത്രിർമഹാവേഗാ വീരഭദ്രപ്രിയാ ഹിതാ ।
ഭദ്രകാലീ ജഗന്മാതാ ഭക്താനാം ഭദ്രദായിനീ ॥ 87 ॥
കരാലാ പിംഗലാകാരാ കാമഭേത്ത്രീ മഹാമനാഃ ।
യശസ്വിനീ യശോദാ ച ഷഡധ്വപരിവർതികാ ॥ 88 ॥
ശംഖിനീ പദ്മിനീ സംഖ്യാ സാംഖ്യയോഗപ്രവർതികാ ।
ചൈത്രാദിർവത്സരാരൂഢാ ജഗത്സമ്പൂരണീന്ദ്രജാ ॥ 89 ॥
ശുംഭഘ്നീ ഖേചരാരാധ്യാ കംബുഗ്രീവാ ബലീഡിതാ ।
ഖഗാരൂഢാ മഹൈശ്വര്യാ സുപദ്മനിലയാ തഥാ ॥ 90 ॥
വിരക്താ ഗരുഡസ്ഥാ ച ജഗതീഹൃദ്ഗുഹാശ്രയാ ।
ശുംഭാദിമഥനാ ഭക്തഹൃദ്ഗഹ്വരനിവാസിനീ ॥ 91 ॥
ജഗത്ത്രയാരണീ സിദ്ധസങ്കല്പാ കാമദാ തഥാ ।
സർവവിജ്ഞാനദാത്രീ ചാനല്പകല്മഷഹാരിണീ ॥ 92 ॥
സകലോപനിഷദ്ഗമ്യാ ദുഷ്ടദുഷ്പ്രേക്ഷ്യസത്തമാ ।
സദ്വൃതാ ലോകസംവ്യാപ്താ തുഷ്ടിഃ പുഷ്ടിഃ ക്രിയാവതീ ॥ 93 ॥
വിശ്വാമരേശ്വരീ ചൈവ ഭുക്തിമുക്തിപ്രദായിനീ ।
ശിവാ ധൃതാ ലോഹിതാക്ഷീ സർപമാലാവിഭൂഷണാ ॥ 94 ॥
നിരാനന്ദാ ത്രിശൂലാസിധനുർബാണാദിധാരിണീ ।
അശേഷധ്യേയമൂർതിശ്ച ദേവതാനാം ച ദേവതാ ॥ 95 ॥
വരാംബികാ ഗിരേഃ പുത്രീ നിശുംഭവിനിപാതിനീ ।
സുവർണാ സ്വർണലസിതാഽനന്തവർണാ സദാധൃതാ ॥ 96 ॥
ശാങ്കരീ ശാന്തഹൃദയാ അഹോരാത്രവിധായികാ ।
വിശ്വഗോപ്ത്രീ ഗൂഢരൂപാ ഗുണപൂർണാ ച ഗാർഗ്യജാ ॥ 97 ॥
ഗൗരീ ശാകംഭരീ സത്യസന്ധാ സന്ധ്യാത്രയീധൃതാ ।
സർവപാപവിനിർമുക്താ സർവബന്ധവിവർജിതാ ॥ 98 ॥
സാംഖ്യയോഗസമാഖ്യാതാ അപ്രമേയാ മുനീഡിതാ ।
വിശുദ്ധസുകുലോദ്ഭൂതാ ബിന്ദുനാദസമാദൃതാ ॥ 99 ॥
ശംഭുവാമാങ്കഗാ ചൈവ ശശിതുല്യനിഭാനനാ ।
വനമാലാവിരാജന്തീ അനന്തശയനാദൃതാ ॥ 100 ॥
നരനാരായണോദ്ഭൂതാ നാരസിംഹീ പ്രകീർതിതാ ।
ദൈത്യപ്രമാഥിനീ ശംഖചക്രപദ്മഗദാധരാ ॥ 101 ॥
സങ്കർഷണസമുത്പന്നാ അംബികാ സജ്ജനാശ്രയാ ।
സുവൃതാ സുന്ദരീ ചൈവ ധർമകാമാർഥദായിനീ ॥ 102 ॥
മോക്ഷദാ ഭക്തിനിലയാ പുരാണപുരുഷാദൃതാ ।
മഹാവിഭൂതിദാഽഽരാധ്യാ സരോജനിലയാഽസമാ ॥ 103 ॥
അഷ്ടാദശഭുജാഽനാദിർനീലോത്പലദലാക്ഷിണീ ।
സർവശക്തിസമാരൂഢാ ധർമാധർമവിവർജിതാ ॥ 104 ॥
വൈരാഗ്യജ്ഞാനനിരതാ നിരാലോകാ നിരിന്ദ്രിയാ ।
വിചിത്രഗഹനാധാരാ ശാശ്വതസ്ഥാനവാസിനീ ॥ 105 ॥
ജ്ഞാനേശ്വരീ പീതചേലാ വേദവേദാംഗപാരഗാ ।
മനസ്വിനീ മന്യുമാതാ മഹാമന്യുസമുദ്ഭവാ ॥ 106 ॥
അമന്യുരമൃതാസ്വാദാ പുരന്ദരപരിഷ്ടുതാ ।
അശോച്യാ ഭിന്നവിഷയാ ഹിരണ്യരജതപ്രിയാ ॥ 107 ॥
ഹിരണ്യജനനീ ഭീമാ ഹേമാഭരണഭൂഷിതാ ।
വിഭ്രാജമാനാ ദുർജ്ഞേയാ ജ്യോതിഷ്ടോമഫലപ്രദാ ॥ 108 ॥
മഹാനിദ്രാസമുത്പത്തിരനിദ്രാ സത്യദേവതാ ।
ദീർഘാ കകുദ്മിനീ പിംഗജടാധാരാ മനോജ്ഞധീഃ ॥ 109 ॥
മഹാശ്രയാ രമോത്പന്നാ തമഃപാരേ പ്രതിഷ്ഠിതാ ।
ത്രിതത്ത്വമാതാ ത്രിവിധാ സുസൂക്ഷ്മാ പദ്മസംശ്രയാ ॥ 110 ॥
ശാന്ത്യതീതകലാഽതീതവികാരാ ശ്വേതചേലികാ ।
ചിത്രമായാ ശിവജ്ഞാനസ്വരൂപാ ദൈത്യമാഥിനീ ॥ 111 ॥
കാശ്യപീ കാലസർപാഭവേണികാ ശാസ്ത്രയോനികാ ।
ത്രയീമൂർതിഃ ക്രിയാമൂർതിശ്ചതുർവർഗാ ച ദർശിനീ ॥ 112 ॥
നാരായണീ നരോത്പന്നാ കൗമുദീ കാന്തിധാരിണീ ।
കൗശികീ ലലിതാ ലീലാ പരാവരവിഭാവിനീ ॥ 113 ॥
വരേണ്യാഽദ്ഭുതമാഹാത്മ്യാ വഡവാ വാമലോചനാ ।
സുഭദ്രാ ചേതനാരാധ്യാ ശാന്തിദാ ശാന്തിവർധിനീ ॥ 114 ॥
ജയാദിശക്തിജനനീ ശക്തിചക്രപ്രവർതികാ ।
ത്രിശക്തിജനനീ ജന്യാ ഷട്സൂത്രപരിവർണിതാ ॥ 115 ॥
സുധൗതകർമണാഽഽരാധ്യാ യുഗാന്തദഹനാത്മികാ ।
സങ്കർഷിണീ ജഗദ്ധാത്രീ കാമയോനിഃ കിരീടിനീ ॥ 116 ॥
ഐന്ദ്രീ ത്രൈലോക്യനമിതാ വൈഷ്ണവീ പരമേശ്വരീ ।
പ്രദ്യുമ്നജനനീ ബിംബസമോഷ്ഠീ പദ്മലോചനാ ॥ 117 ॥
മദോത്കടാ ഹംസഗതിഃ പ്രചണ്ഡാ ചണ്ഡവിക്രമാ ।
വൃഷാധീശാ പരാത്മാ ച വിന്ധ്യപർവതവാസിനീ ॥ 118 ॥
ഹിമവന്മേരുനിലയാ കൈലാസപുരവാസിനീ ।
ചാണൂരഹന്ത്രീ നീതിജ്ഞാ കാമരൂപാ ത്രയീതനുഃ ॥ 119 ॥
വ്രതസ്നാതാ ധർമശീലാ സിംഹാസനനിവാസിനീ ।
വീരഭദ്രാദൃതാ വീരാ മഹാകാലസമുദ്ഭവാ ॥ 120 ॥
വിദ്യാധരാർചിതാ സിദ്ധസാധ്യാരാധിതപാദുകാ ।
ശ്രദ്ധാത്മികാ പാവനീ ച മോഹിനീ അചലാത്മികാ ॥ 121 ॥
മഹാദ്ഭുതാ വാരിജാക്ഷീ സിംഹവാഹനഗാമിനീ ।
മനീഷിണീ സുധാവാണീ വീണാവാദനതത്പരാ ॥ 122 ॥
ശ്വേതവാഹനിഷേവ്യാ ച ലസന്മതിരരുന്ധതീ ।
ഹിരണ്യാക്ഷീ തഥാ ചൈവ മഹാനന്ദപ്രദായിനീ ॥ 123 ॥
വസുപ്രഭാ സുമാല്യാപ്തകന്ധരാ പങ്കജാനനാ ।
പരാവരാ വരാരോഹാ സഹസ്രനയനാർചിതാ ॥ 124 ॥
ശ്രീരൂപാ ശ്രീമതീ ശ്രേഷ്ഠാ ശിവനാമ്നീ ശിവപ്രിയാ ।
ശ്രീപ്രദാ ശ്രിതകല്യാണാ ശ്രീധരാർധശരീരിണീ ॥ 125 ॥
ശ്രീകലാഽനന്തദൃഷ്ടിശ്ച ഹ്യക്ഷുദ്രാഽഽരാതിസൂദനീ ।
രക്തബീജനിഹന്ത്രീ ച ദൈത്യസംഘവിമർദിനീ ॥ 126 ॥
സിംഹാരൂഢാ സിംഹികാസ്യാ ദൈത്യശോണിതപായിനീ ।
സുകീർതിസഹിതാ ഛിന്നസംശയാ രസവേദിനീ ॥ 127 ॥
ഗുണാഭിരാമാ നാഗാരിവാഹനാ നിർജരാർചിതാ ।
നിത്യോദിതാ സ്വയഞ്ജ്യോതിഃ സ്വർണകായാ പ്രകീർതിതാ ॥ 128 ॥
വജ്രദണ്ഡാങ്കിതാ ചൈവ തഥാഽമൃതസഞ്ജീവിനീ ।
വജ്രച്ഛന്നാ ദേവദേവീ വരവജ്രസ്വവിഗ്രഹാ ॥ 129 ॥
മാംഗല്യാ മംഗലാത്മാ ച മാലിനീ മാല്യധാരിണീ ।
ഗന്ധർവീ തരുണീ ചാന്ദ്രീ ഖഡ്ഗായുധധരാ തഥാ ॥ 130 ॥
സൗദാമിനീ പ്രജാനന്ദാ തഥാ പ്രോക്താ ഭൃഗൂദ്ഭവാ ।
ഏകാനംഗാ ച ശാസ്ത്രാർഥകുശലാ ധർമചാരിണീ ॥ 131 ॥
ധർമസർവസ്വവാഹാ ച ധർമാധർമവിനിശ്ചയാ ।
ധർമശക്തിർധർമമയാ ധാർമികാനാം ശിവപ്രദാ ॥ 132 ॥
വിധർമാ വിശ്വധർമജ്ഞാ ധർമാർഥാന്തരവിഗ്രഹാ ।
ധർമവർഷ്മാ ധർമപൂർവാ ധർമപാരംഗതാന്തരാ ॥ 133 ॥
ധർമോപദേഷ്ട്രീ ധർമാത്മാ ധർമഗമ്യാ ധരാധരാ ।
കപാലിനീ ശാകലിനീ കലാകലിതവിഗ്രഹാ ॥ 134 ॥
സർവശക്തിവിമുക്താ ച കർണികാരധരാഽക്ഷരാ ।
കംസപ്രാണഹരാ ചൈവ യുഗധർമധരാ തഥാ ॥ 135 ॥
യുഗപ്രവർതികാ പ്രോക്താ ത്രിസന്ധ്യാ ധ്യേയവിഗ്രഹാ ।
സ്വർഗാപവർഗദാത്രീ ച തഥാ പ്രത്യക്ഷദേവതാ ॥ 136 ॥
ആദിത്യാ ദിവ്യഗന്ധാ ച ദിവാകരനിഭപ്രഭാ ।
പദ്മാസനഗതാ പ്രോക്താ ഖഡ്ഗബാണശരാസനാ ॥ 137 ॥
ശിഷ്ടാ വിശിഷ്ടാ ശിഷ്ടേഷ്ടാ ശിഷ്ടശ്രേഷ്ഠപ്രപൂജിതാ ।
ശതരൂപാ ശതാവർതാ വിതതാ രാസമോദിനീ ॥ 138 ॥
സൂര്യേന്ദുനേത്രാ പ്രദ്യുമ്നജനനീ സുഷ്ഠുമായിനീ ।
സൂര്യാന്തരസ്ഥിതാ ചൈവ സത്പ്രതിഷ്ഠിതവിഗ്രഹാ ॥ 139 ॥
നിവൃത്താ പ്രോച്യതേ ജ്ഞാനപാരഗാ പർവതാത്മജാ ।
കാത്യായനീ ചണ്ഡികാ ച ചണ്ഡീ ഹൈമവതീ തഥാ ॥ 140 ॥
ദാക്ഷായണീ സതീ ചൈവ ഭവാനീ സർവമംഗലാ ।
ധൂമ്രലോചനഹന്ത്രീ ച ചണ്ഡമുണ്ഡവിനാശിനീ ॥ 141 ॥
യോഗനിദ്രാ യോഗഭദ്രാ സമുദ്രതനയാ തഥാ ।
ദേവപ്രിയങ്കരീ ശുദ്ധാ ഭക്തഭക്തിപ്രവർധിനീ ॥ 142 ॥
ത്രിനേത്രാ ചന്ദ്രമുകുടാ പ്രമഥാർചിതപാദുകാ ।
അർജുനാഭീഷ്ടദാത്രീ ച പാണ്ഡവപ്രിയകാരിണീ ॥ 143 ॥
കുമാരലാലനാസക്താ ഹരബാഹൂപധാനികാ ।
വിഘ്നേശജനനീ ഭക്തവിഘ്നസ്തോമപ്രഹാരിണീ ॥ 144 ॥
സുസ്മിതേന്ദുമുഖീ നമ്യാ ജയാപ്രിയസഖീ തഥാ ।
അനാദിനിധനാ പ്രേഷ്ഠാ ചിത്രമാല്യാനുലേപനാ ॥ 145 ॥
കോടിചന്ദ്രപ്രതീകാശാ കൂടജാലപ്രമാഥിനീ ।
കൃത്യാപ്രഹാരിണീ ചൈവ മാരണോച്ചാടനീ തഥാ ॥ 146 ॥
സുരാസുരപ്രവന്ദ്യാംഘ്രിർമോഹഘ്നീ ജ്ഞാനദായിനീ ।
ഷഡ്വൈരിനിഗ്രഹകരീ വൈരിവിദ്രാവിണീ തഥാ ॥ 147 ॥
ഭൂതസേവ്യാ ഭൂതദാത്രീ ഭൂതപീഡാവിമർദികാ ।
നാരദസ്തുതചാരിത്രാ വരദേശാ വരപ്രദാ ॥ 148 ॥
വാമദേവസ്തുതാ ചൈവ കാമദാ സോമശേഖരാ ।
ദിക്പാലസേവിതാ ഭവ്യാ ഭാമിനീ ഭാവദായിനീ ॥ 149 ॥
സ്ത്രീസൗഭാഗ്യപ്രദാത്രീ ച ഭോഗദാ രോഗനാശിനീ ।
വ്യോമഗാ ഭൂമിഗാ ചൈവ മുനിപൂജ്യപദാംബുജാ ।
വനദുർഗാ ച ദുർബോധാ മഹാദുർഗാ പ്രകീർതിതാ ॥ 150 ॥
ഫലശ്രുതിഃ –
ഇതീദം കീർതിദം ഭദ്ര ദുർഗാനാമസഹസ്രകം ।
ത്രിസന്ധ്യം യഃ പഠേന്നിത്യം തസ്യ ലക്ഷ്മീഃ സ്ഥിരാ ഭവേത് ॥ 1 ॥
ഗ്രഹഭൂതപിശാചാദിപീഡാ നശ്യത്യസംശയം ।
ബാലഗ്രഹാദിപീഡായാഃ ശാന്തിർഭവതി കീർതനാത് ॥ 2 ॥
മാരികാദിമഹാരോഗേ പഠതാം സൗഖ്യദം നൃണാം ।
വ്യവഹാരേ ച ജയദം ശത്രുബാധാനിവാരകം ॥ 3 ॥
ദമ്പത്യോഃ കലഹേ പ്രാപ്തേ മിഥഃ പ്രേമാഭിവർധകം ।
ആയുരാരോഗ്യദം പുംസാം സർവസമ്പത്പ്രദായകം ॥ 4 ॥
വിദ്യാഭിവർധകം നിത്യം പഠതാമർഥസാധകം ।
ശുഭദം ശുഭകാര്യേഷു പഠതാം ശൃണ്വതാമപി ॥ 5 ॥
യഃ പൂജയതി ദുർഗാം താം ദുർഗാനാമസഹസ്രകൈഃ ।
പുഷ്പൈഃ കുങ്കുമസമ്മിശ്രൈഃ സ തു യത്കാങ്ക്ഷതേ ഹൃദി ॥ 6 ॥
തത്സർവം സമവാപ്നോതി നാസ്തി നാസ്ത്യത്ര സംശയഃ ।
യന്മുഖേ ധ്രിയതേ നിത്യം ദുർഗാനാമസഹസ്രകം ॥ 7 ॥
കിം തസ്യേതരമന്ത്രൗഘൈഃ കാര്യം ധന്യതമസ്യ ഹി ।
ദുർഗാനാമസഹസ്രസ്യ പുസ്തകം യദ്ഗൃഹേ ഭവേത് ॥ 8 ॥
ന തത്ര ഗ്രഹഭൂതാദിബാധാ സ്യാന്മംഗലാസ്പദേ ।
തദ്ഗൃഹം പുണ്യദം ക്ഷേത്രം ദേവീസാന്നിധ്യകാരകം ॥ 9 ॥
ഏതസ്യ സ്തോത്രമുഖ്യസ്യ പാഠകഃ ശ്രേഷ്ഠമന്ത്രവിത് ।
ദേവതായാഃ പ്രസാദേന സർവപൂജ്യഃ സുഖീ ഭവേത് ॥ 10 ॥
ഇത്യേതന്നഗരാജേന കീർതിതം മുനിസത്തമ ।
ഗുഹ്യാദ്ഗുഹ്യതരം സ്തോത്രം ത്വയി സ്നേഹാത് പ്രകീർതിതം ॥ 11 ॥
ഭക്തായ ശ്രദ്ധധാനായ കേവലം കീർത്യതാമിദം ।
ഹൃദി ധാരയ നിത്യം ത്വം ദേവ്യനുഗ്രഹസാധകം ॥ 12 ॥
ഇതി ശ്രീ ദുർഗാ സഹസ്രനാമ സ്തോത്രം ॥
Recite with devotion and pure heart
Regular practice brings spiritual benefits