நமஸ்தே ஶரண்யே ஶிவே ஸானுகம்பே நமஸ்தே ஜக³த்³வ்யாபிகே விஶ்வரூபே । நமஸ்தே ஜக³த்³வந்த்³யபாதா³ரவிந்தே³ நமஸ்தே ஜக³த்தாரிணி த்ராஹி து³ர்கே³ ॥ 1 ॥ நமஸ்தே ஜக³ச்சிந்த்யமானஸ்வரூபே நமஸ்தே மஹாயோகி³விஜ்ஞானரூபே । நமஸ்தே நமஸ்தே ஸதா³னந்த³ரூபே நமஸ்தே ஜக³த்தாரிணி த்ராஹி து³ர்கே³ ॥ 2 ॥ அனாத²ஸ்ய தீ³னஸ்ய த்ருஷ்ணாதுரஸ்ய ப⁴யார்தஸ்ய பீ⁴தஸ்ய ப³த்³த⁴ஸ்ய ஜந்தோ: । த்வமேகா க³திர்தே³வி நிஸ்தாரகர்த்ரீ நமஸ்தே ஜக³த்தாரிணி த்ராஹி து³ர்கே³ ॥ 3 ॥ அரண்யே ரணே தா³ருணே ஶத்ருமத்⁴யே- நலே ஸாக³ரே ப்ராந்தரே ராஜகே³ஹே । த்வமேகா க³திர்தே³வி நிஸ்தாரனௌகா நமஸ்தே ஜக³த்தாரிணி த்ராஹி து³ர்கே³ ॥ 4 ॥ அபாரே மஹாது³ஸ்தரேத்யந்தகோ⁴ரே விபத்ஸாக³ரே மஜ்ஜதாம் தே³ஹபா⁴ஜாம் । த்வமேகா க³திர்தே³வி நிஸ்தாரஹேது- ர்னமஸ்தே ஜக³த்தாரிணி த்ராஹி து³ர்கே³ ॥ 5 ॥ நமஶ்சண்டி³கே சண்ட³து³ர்த³ண்ட³லீலா- ஸமுத்க²ண்டி³தா க²ண்டி³தாஶேஷஶத்ரோ: । த்வமேகா க³திர்தே³வி நிஸ்தாரபீ³ஜம் நமஸ்தே ஜக³த்தாரிணி த்ராஹி து³ர்கே³ ॥ 6 ॥ த்வமேகா ஸதா³ராதி⁴தா ஸத்யவாதி³- ந்யனேகாகி²லா க்ரோத⁴னா க்ரோத⁴னிஷ்டா² । இடா³ பிங்கள³ா த்வம் ஸுஷும்னா ச நாடீ³ நமஸ்தே ஜக³த்தாரிணி த்ராஹி து³ர்கே³ ॥ 7 ॥ நமோ தே³வி து³ர்கே³ ஶிவே பீ⁴மனாதே³ ஸதா³ஸர்வஸித்³தி⁴ப்ரதா³த்ருஸ்வரூபே । விபூ⁴தி: ஶசீ காலராத்ரி: ஸதீ த்வம் நமஸ்தே ஜக³த்தாரிணி த்ராஹி து³ர்கே³ ॥ 8 ॥ ஶரணமஸி ஸுராணாம் ஸித்³த⁴வித்³யாத⁴ராணாம் முனிமனுஜபஶூனாம் த³ஸ்யுபி⁴ஸ்த்ராஸிதானாம் ந்ருபதிக்³ருஹக³தானாம் வ்யாதி⁴பி⁴: பீடி³தானாம் । த்வமஸி ஶரணமேகா தே³வி து³ர்கே³ ப்ரஸீத³ ॥ 9 ॥ இத³ம் ஸ்தோத்ரம் மயா ப்ரோக்தமாபது³த்³தா⁴ரஹேதுகம் । த்ரிஸந்த்⁴யமேகஸந்த்⁴யம் வா பட²னாத்³கோ⁴ரஸங்கடாத் ॥ 10 ॥ முச்யதே நாத்ர ஸந்தே³ஹோ பு⁴வி ஸ்வர்கே³ ரஸாதலே । ஸர்வம் வா ஶ்லோகமேகம் வா ய: படே²த்³ப⁴க்திமான்ஸதா³ ॥ 11 ॥ ஸ ஸர்வம் து³ஷ்க்ருதம் த்யக்த்வா ப்ராப்னோதி பரமம் பத³ம் । பட²னாத³ஸ்ய தே³வேஶி கிம் ந ஸித்³த்⁴யதி பூ⁴தலே । ஸ்தவராஜமித³ம் தே³வி ஸங்க்ஷேபாத்கதி²தம் மயா ॥ 12 இதி ஶ்ரீ ஸித்³தே⁴ஶ்வரீதந்த்ரே பரமஶிவோக்த ஶ்ரீ து³ர்கா³ ஆபது³த்³தா⁴ர ஸ்தோத்ரம் ।