അസ്യശ്രീ അർഗലാ സ്തോത്ര മന്ത്രസ്യ വിഷ്ണുഃ ഋഷിഃ। അനുഷ്ടുപ്ഛന്ദഃ। ശ്രീ മഹാലക്ഷീർദേവതാ। മന്ത്രോദിതാ ദേവ്യോബീജം। നവാർണോ മന്ത്ര ശക്തിഃ। ശ്രീ സപ്തശതീ മന്ത്രസ്തത്വം ശ്രീ ജഗദംബാ പ്രീത്യർഥേ സപ്തശതീ പഠാം ഗത്വേന ജപേ വിനിയോഗഃ॥ ധ്യാനം ഓം ബന്ധൂക കുസുമാഭാസാം പഞ്ചമുണ്ഡാധിവാസിനീം। സ്ഫുരച്ചന്ദ്രകലാരത്ന മുകുടാം മുണ്ഡമാലിനീം॥ ത്രിനേത്രാം രക്ത വസനാം പീനോന്നത ഘടസ്തനീം। പുസ്തകം ചാക്ഷമാലാം ച വരം ചാഭയകം ക്രമാത്॥ ദധതീം സംസ്മരേന്നിത്യമുത്തരാമ്നായമാനിതാം। അഥവാ യാ ചണ്ഡീ മധുകൈടഭാദി ദൈത്യദലനീ യാ മാഹിഷോന്മൂലിനീ യാ ധൂമ്രേക്ഷന ചണ്ഡമുണ്ഡമഥനീ യാ രക്ത ബീജാശനീ। ശക്തിഃ ശുംഭനിശുംഭദൈത്യദലനീ യാ സിദ്ധി ദാത്രീ പരാ സാ ദേവീ നവ കോടി മൂർതി സഹിതാ മാം പാതു വിശ്വേശ്വരീ॥ ഓം നമശ്ചണ്ഡികായൈ മാർകണ്ഡേയ ഉവാച ഓം ജയത്വം ദേവി ചാമുണ്ഡേ ജയ ഭൂതാപഹാരിണി। ജയ സർവ ഗതേ ദേവി കാല രാത്രി നമോഽസ്തുതേ॥1॥ മധുകൈഠഭവിദ്രാവി വിധാത്രു വരദേ നമഃ ഓം ജയന്തീ മംഗലാ കാലീ ഭദ്രകാലീ കപാലിനീ ॥2॥ ദുർഗാ ശിവാ ക്ഷമാ ധാത്രീ സ്വാഹാ സ്വധാ നമോഽസ്തുതേ രൂപം ദേഹി ജയം ദേഹി യശോ ദേഹി ദ്വിഷോ ജഹി ॥3॥ മഹിഷാസുര നിർനാശി ഭക്താനാം സുഖദേ നമഃ। രൂപം ദേഹി ജയം ദേഹി യശോ ദേഹി ദ്വിഷോ ജഹി॥4॥ ധൂമ്രനേത്ര വധേ ദേവി ധർമ കാമാർഥ ദായിനി। രൂപം ദേഹി ജയം ദേഹി യശോ ദേഹി ദ്വിഷോ ജഹി॥5॥ രക്ത ബീജ വധേ ദേവി ചണ്ഡ മുണ്ഡ വിനാശിനി । രൂപം ദേഹി ജയം ദേഹി യശോ ദേഹി ദ്വിഷോ ജഹി॥6॥ നിശുംഭശുംഭ നിർനാശി ത്രൈലോക്യ ശുഭദേ നമഃ രൂപം ദേഹി ജയം ദേഹി യശോ ദേഹി ദ്വിഷോ ജഹി॥7॥ വന്ദി താംഘ്രിയുഗേ ദേവി സർവസൗഭാഗ്യ ദായിനി। രൂപം ദേഹി ജയം ദേഹി യശോ ദേഹി ദ്വിഷോ ജഹി॥8॥ അചിന്ത്യ രൂപ ചരിതേ സർവ ശത്രു വിനാശിനി। രൂപം ദേഹി ജയം ദേഹി യശോ ദേഹി ദ്വിഷോ ജഹി॥9॥ നതേഭ്യഃ സർവദാ ഭക്ത്യാ ചാപർണേ ദുരിതാപഹേ। രൂപം ദേഹി ജയം ദേഹി യശോ ദേഹി ദ്വിഷോ ജഹി॥10॥ സ്തുവദ്ഭ്യോഭക്തിപൂർവം ത്വാം ചണ്ഡികേ വ്യാധി നാശിനി രൂപം ദേഹി ജയം ദേഹി യശോ ദേഹി ദ്വിഷോ ജഹി॥11॥ ചണ്ഡികേ സതതം യുദ്ധേ ജയന്തീ പാപനാശിനി। രൂപം ദേഹി ജയം ദേഹി യശോ ദേഹി ദ്വിഷോ ജഹി॥12॥ ദേഹി സൗഭാഗ്യമാരോഗ്യം ദേഹി ദേവീ പരം സുഖം। രൂപം ധേഹി ജയം ദേഹി യശോ ധേഹി ദ്വിഷോ ജഹി॥13॥ വിധേഹി ദേവി കല്യാണം വിധേഹി വിപുലാം ശ്രിയം। രൂപം ദേഹി ജയം ദേഹി യശോ ദേഹി ദ്വിഷോ ജഹി॥14॥ വിധേഹി ദ്വിഷതാം നാശം വിധേഹി ബലമുച്ചകൈഃ। രൂപം ദേഹി ജയം ദേഹി യശോ ദേഹി ദ്വിഷോ ജഹി॥15॥ സുരാസുരശിരോ രത്ന നിഘൃഷ്ടചരണേഽമ്ബികേ। രൂപം ദേഹി ജയം ദേഹി യശോ ദേഹി ദ്വിഷോ ജഹി॥16॥ വിധ്യാവന്തം യശസ്വന്തം ലക്ഷ്മീവന്തഞ്ച മാം കുരു। രൂപം ദേഹി ജയം ദേഹി യശോ ദേഹി ദ്വിഷോ ജഹി॥17॥ ദേവി പ്രചണ്ഡ ദോർദണ്ഡ ദൈത്യ ദർപ നിഷൂദിനി। രൂപം ദേഹി ജയം ദേഹി യശോ ദേഹി ദ്വിഷോ ജഹി॥18॥ പ്രചണ്ഡ ദൈത്യദർപഘ്നേ ചണ്ഡികേ പ്രണതായമേ। രൂപം ദേഹി ജയം ദേഹി യശോ ദേഹി ദ്വിഷോ ജഹി॥19॥ ചതുർഭുജേ ചതുർവക്ത്ര സംസ്തുതേ പരമേശ്വരി। രൂപം ദേഹി ജയം ദേഹി യശോ ദേഹി ദ്വിഷോ ജഹി॥20॥ കൃഷ്ണേന സംസ്തുതേ ദേവി ശശ്വദ്ഭക്ത്യാ സദാംബികേ। രൂപം ദേഹി ജയം ദേഹി യശോ ദേഹി ദ്വിഷോ ജഹി॥21॥ ഹിമാചലസുതാനാഥസംസ്തുതേ പരമേശ്വരി। രൂപം ദേഹി ജയം ദേഹി യശോ ദേഹി ദ്വിഷോ ജഹി॥22॥ ഇന്ദ്രാണീ പതിസദ്ഭാവ പൂജിതേ പരമേശ്വരി। രൂപം ദേഹി ജയം ദേഹി യശോ ദേഹി ദ്വിഷോ ജഹി ॥23॥ ദേവി ഭക്തജനോദ്ദാമ ദത്താനന്ദോദയേഽമ്ബികേ। രൂപം ദേഹി ജയം ദേഹി യശോ ദേഹി ദ്വിഷോ ജഹി ॥24॥ ഭാര്യാം മനോരമാം ദേഹി മനോവൃത്താനുസാരിണീം। രൂപം ദേഹി ജയം ദേഹി യശോ ദേഹി ദ്വിഷോ ജഹി॥25॥ താരിണീം ദുർഗ സംസാര സാഗര സ്യാചലോദ്ഭവേ। രൂപം ദേഹി ജയം ദേഹി യശോ ദേഹി ദ്വിഷോ ജഹി ॥26॥ ഇദംസ്തോത്രം പഠിത്വാ തു മഹാസ്തോത്രം പഠേന്നരഃ। സപ്തശതീം സമാരാധ്യ വരമാപ്നോതി ദുർലഭം ॥27॥ ॥ ഇതി ശ്രീ അർഗലാ സ്തോത്രം സമാപ്തം ॥