ந மந்த்ரம் நோ யந்த்ரம் தத³பி ச ந ஜானே ஸ்துதிமஹோ ந சாஹ்வானம் த்⁴யானம் தத³பி ச ந ஜானே ஸ்துதிகதா²: । ந ஜானே முத்³ராஸ்தே தத³பி ச ந ஜானே விலபனம் பரம் ஜானே மாதஸ்த்வத³னுஸரணம் க்லேஶஹரணம் ॥ 1 ॥ விதே⁴ரஜ்ஞானேன த்³ரவிணவிரஹேணாலஸதயா விதே⁴யாஶக்யத்வாத்தவ சரணயோர்யா ச்யுதிரபூ⁴த் । ததே³தத் க்ஷந்தவ்யம் ஜனநி ஸகலோத்³தா⁴ரிணி ஶிவே குபுத்ரோ ஜாயேத க்வசித³பி குமாதா ந ப⁴வதி ॥ 2 ॥ ப்ருதி²வ்யாம் புத்ராஸ்தே ஜனநி ப³ஹவ: ஸந்தி ஸரலா: பரம் தேஷாம் மத்⁴யே விரலதரலோஹம் தவ ஸுத: । மதீ³யோயம் த்யாக:³ ஸமுசிதமித³ம் நோ தவ ஶிவே குபுத்ரோ ஜாயேத க்வசித³பி குமாதா ந ப⁴வதி ॥ 3 ॥ ஜக³ன்மாதர்மாதஸ்தவ சரணஸேவா ந ரசிதா ந வா த³த்தம் தே³வி த்³ரவிணமபி பூ⁴யஸ்தவ மயா । ததா²பி த்வம் ஸ்னேஹம் மயி நிருபமம் யத்ப்ரகுருஷே குபுத்ரோ ஜாயேத க்வசித³பி குமாதா ந ப⁴வதி ॥ 4 ॥ பரித்யக்தா தே³வான்விவித⁴விதி⁴ஸேவாகுலதயா மயா பஞ்சாஶீதேரதி⁴கமபனீதே து வயஸி । இதா³னீம் சேன்மாதஸ்தவ யதி³ க்ருபா நாபி ப⁴விதா நிராலம்போ³ லம்போ³த³ரஜனநி கம் யாமி ஶரணம் ॥ 5 ॥ ஶ்வபாகோ ஜல்பாகோ ப⁴வதி மது⁴பாகோபமகி³ரா நிராதங்கோ ரங்கோ விஹரதி சிரம் கோடிகனகை: । தவாபர்ணே கர்ணே விஶதி மனுவர்ணே ப²லமித³ம் ஜன: கோ ஜானீதே ஜனநி ஜபனீயம் ஜபவிதௌ⁴ ॥ 6 ॥ சிதாப⁴ஸ்மாலேபோ க³ரளமஶனம் தி³க்படத⁴ரோ ஜடாதா⁴ரீ கண்டே² பு⁴ஜக³பதிஹாரீ பஶுபதி: । கபாலீ பூ⁴தேஶோ பஜ⁴தி ஜக³தீ³ஶைகபத³வீம் ப⁴வானீ த்வத்பாணிக்³ரஹணபரிபாடீ ப²லமித³ம் ॥ 7 ॥ ந மோக்ஷஸ்யாகாங்க்ஷா ந ச விப⁴வவாஞ்சா²பி ச ந மே ந விஜ்ஞானாபேக்ஷா ஶஶிமுகி² ஸுகே²ச்சா²பி ந புன: । அதஸ்த்வாம் ஸம்யாசே ஜனநி ஜனநம் யாது மம வை ம்ருடா³னீ ருத்³ராணீ ஶிவ ஶிவ ப⁴வானீதி ஜபத: ॥ 8 ॥ நாராதி⁴தாஸி விதி⁴னா விவிதோ⁴பசாரை: கிம் ரூக்ஷசிந்தனபரைர்ன க்ருதம் வசோபி⁴: । ஶ்யாமே த்வமேவ யதி³ கிஞ்சன மய்யனாதே² த⁴த்ஸே க்ருபாமுசிதமம்ப³ பரம் தவைவ ॥ 9 ॥ ஆபத்ஸு மக்³ன: ஸ்மரணம் த்வதீ³யம் கரோமி து³ர்கே³ கருணார்ணவே ஶிவே । நைதச்ச²ட²த்வம் மம பா⁴வயேதா²: க்ஷுதா⁴த்ருஷார்தா: ஜனநீம் ஸ்மரந்தி ॥ 10 ॥ ஜக³த³ம்ப³ விசித்ரமத்ர கிம் பரிபூர்ணா கருணாஸ்தி சேன்மயி । அபராத⁴பரம்பராவ்ருதம் ந ஹி மாதா ஸமுபேக்ஷதே ஸுதம் ॥ 11 ॥ மத்ஸம: பாதகீ நாஸ்தி பாபக்⁴னீ த்வத்ஸமா ந ஹி । ஏவம் ஜ்ஞாத்வா மஹாதே³வீ யதா² யோக்³யம் ததா² குரு ॥ 12 ॥ இதி ஶ்ரீமச்ச²ங்கராசார்ய விரசிதம் தே³வ்யபராத⁴க்ஷமாபண ஸ்தோத்ரம் ।