ಚಾಮುಂಡೇಶ್ವರೀ ಅಷ್ಟೋತ್ತರಶತನಾಮ ಸ್ತೋತ್ರಂ

ಶ್ರೀಚಾಮುಂಡಾ ಮಾಹಾಮಾಯಾ ಶ್ರೀಮತ್ಸಿಂಹಾಸನೇಶ್ವರೀ ।

ಶ್ರೀವಿದ್ಯಾವೇದ್ಯಮಹಿಮಾ ಶ್ರೀಚಕ್ರಪುರವಾಸಿನೀ ॥ 1 ॥

ಶ್ರೀಕಂಠದಯಿತಾ ಗೌರೀ ಗಿರಿಜಾ ಭುವನೇಶ್ವರೀ ।

ಮಹಾಕಾಲೀ ಮಹಾಲಕ್ಷ್ಮೀಃ ಮಹಾವಾಣೀ ಮನೋನ್ಮನೀ ॥ 2 ॥

ಸಹಸ್ರಶೀರ್ಷಸಮ್ಯುಕ್ತಾ ಸಹಸ್ರಕರಮಂಡಿತಾ ।

ಕೌಸುಂಭವಸನೋಪೇತಾ ರತ್ನಕಂಚುಕಧಾರಿಣೀ ॥ 3 ॥

ಗಣೇಶಸ್ಕಂದಜನನೀ ಜಪಾಕುಸುಮಭಾಸುರಾ ।

ಉಮಾ ಕಾತ್ಯಾಯನೀ ದುರ್ಗಾ ಮಂತ್ರಿಣೀ ದಂಡಿನೀ ಜಯಾ ॥ 4 ॥

ಕರಾಂಗುಲಿನಖೋತ್ಪನ್ನನಾರಾಯಣದಶಾಕೃತಿಃ ।

ಸಚಾಮರರಮಾವಾಣೀಸವ್ಯದಕ್ಷಿಣಸೇವಿತಾ ॥ 5 ॥

ಇಂದ್ರಾಕ್ಷೀ ಬಗಲಾ ಬಾಲಾ ಚಕ್ರೇಶೀ ವಿಜಯಾಂಬಿಕಾ ।

ಪಂಚಪ್ರೇತಾಸನಾರೂಢಾ ಹರಿದ್ರಾಕುಂಕುಮಪ್ರಿಯಾ ॥ 6 ॥

ಮಹಾಬಲಾದ್ರಿನಿಲಯಾ ಮಹಿಷಾಸುರಮರ್ದಿನೀ ।

ಮಧುಕೈಟಭಸಂಹರ್ತ್ರೀ ಮಥುರಾಪುರನಾಯಿಕಾ ॥ 7 ॥

ಕಾಮೇಶ್ವರೀ ಯೋಗನಿದ್ರಾ ಭವಾನೀ ಚಂಡಿಕಾ ಸತೀ ।

ಚಕ್ರರಾಜರಥಾರೂಢಾ ಸೃಷ್ಟಿಸ್ಥಿತ್ಯಂತಕಾರಿಣೀ ॥ 8 ॥

ಅನ್ನಪೂರ್ಣಾ ಜ್ವಲಜ್ಜಿಹ್ವಾ ಕಾಲರಾತ್ರಿಸ್ವರೂಪಿಣೀ ।

ನಿಶುಂಭಶುಂಭದಮನೀ ರಕ್ತಬೀಜನಿಷೂದಿನೀ ॥ 9 ॥

ಬ್ರಾಹ್ಮ್ಯಾದಿಮಾತೃಕಾರೂಪಾ ಶುಭಾ ಷಟ್ಚಕ್ರದೇವತಾ ।

ಮೂಲಪ್ರಕೃತಿರೂಪಾಽಽರ್ಯಾ ಪಾರ್ವತೀ ಪರಮೇಶ್ವರೀ ॥ 10 ॥

ಬಿಂದುಪೀಠಕೃತಾವಾಸಾ ಚಂದ್ರಮಂಡಲಮಧ್ಯಗಾ ।

ಚಿದಗ್ನಿಕುಂಡಸಂಭೂತಾ ವಿಂಧ್ಯಾಚಲನಿವಾಸಿನೀ ॥ 11 ॥

ಹಯಗ್ರೀವಾಗಸ್ತ್ಯಪೂಜ್ಯಾ ಸೂರ್ಯಚಂದ್ರಾಗ್ನಿಲೋಚನಾ ।

ಜಾಲಂಧರಸುಪೀಠಸ್ಥಾ ಶಿವಾ ದಾಕ್ಷಾಯಣೀಶ್ವರೀ ॥ 12 ॥

ನವಾವರಣಸಂಪೂಜ್ಯಾ ನವಾಕ್ಷರಮನುಸ್ತುತಾ ।

ನವಲಾವಣ್ಯರೂಪಾಢ್ಯಾ ಜ್ವಲದ್ದ್ವಾತ್ರಿಂಶತಾಯುಧಾ ॥ 13 ॥

ಕಾಮೇಶಬದ್ಧಮಾಂಗಲ್ಯಾ ಚಂದ್ರರೇಖಾವಿಭೂಷಿತಾ ।

ಚರಾಚರಜಗದ್ರೂಪಾ ನಿತ್ಯಕ್ಲಿನ್ನಾಽಪರಾಜಿತಾ ॥ 14 ॥

ಓಡ್ಯಾಣಪೀಠನಿಲಯಾ ಲಲಿತಾ ವಿಷ್ಣುಸೋದರೀ ।

ದಂಷ್ಟ್ರಾಕರಾಲವದನಾ ವಜ್ರೇಶೀ ವಹ್ನಿವಾಸಿನೀ ॥ 15 ॥

ಸರ್ವಮಂಗಲರೂಪಾಢ್ಯಾ ಸಚ್ಚಿದಾನಂದವಿಗ್ರಹಾ ।

ಅಷ್ಟಾದಶಸುಪೀಠಸ್ಥಾ ಭೇರುಂಡಾ ಭೈರವೀ ಪರಾ ॥ 16 ॥

ರುಂಡಮಾಲಾಲಸತ್ಕಂಠಾ ಭಂಡಾಸುರವಿಮರ್ದಿನೀ ।

ಪುಂಡ್ರೇಕ್ಷುಕಾಂಡಕೋದಂಡಾ ಪುಷ್ಪಬಾಣಲಸತ್ಕರಾ ॥ 17 ॥

ಶಿವದೂತೀ ವೇದಮಾತಾ ಶಾಂಕರೀ ಸಿಂಹವಾಹನಾ ।

ಚತುಃಷಷ್ಟ್ಯುಪಚಾರಾಢ್ಯಾ ಯೋಗಿನೀಗಣಸೇವಿತಾ ॥ 18 ॥

ವನದುರ್ಗಾ ಭದ್ರಕಾಲೀ ಕದಂಬವನವಾಸಿನೀ ।

ಚಂಡಮುಂಡಶಿರಶ್ಛೇತ್ರೀ ಮಹಾರಾಜ್ಞೀ ಸುಧಾಮಯೀ ॥ 19 ॥

ಶ್ರೀಚಕ್ರವರತಾಟಂಕಾ ಶ್ರೀಶೈಲಭ್ರಮರಾಂಬಿಕಾ ।

ಶ್ರೀರಾಜರಾಜವರದಾ ಶ್ರೀಮತ್ತ್ರಿಪುರಸುಂದರೀ ॥ 20 ॥

ಶ್ರೀಮಚ್ಚಾಮುಂಡಿಕಾದೇವ್ಯಾ ನಾಮ್ನಾಮಷ್ಟೋತ್ತರಂ ಶತಂ ।

ಪಠನ್ ಭಕ್ತ್ಯಾಽರ್ಚಯನ್ ದೇವೀಂ ಸರ್ವಾನ್ ಕಾಮಾನವಾಪ್ನುಯಾತ್ ॥ 21 ॥

ಇತಿ ಶ್ರೀ ಚಾಮುಂಡೇಶ್ವರೀ ಅಷ್ಟೋತ್ತರಶತನಾಮ ಸ್ತೋತ್ರಂ ॥

Recite with devotion and pure heart

Regular practice brings spiritual benefits