jaya kāmēśi chāmuṇḍē jaya bhūtāpahāriṇi । jaya sarvagatē dēvi kāmēśvari namō'stu tē ॥ 1 ॥ viśvamūrtē śubhē śuddhē virūpākṣi trilōchanē । bhīmarūpē śivē vidyē kāmēśvari namō'stu tē ॥ 2 ॥ mālājayē jayē jambhē bhūtākṣi kṣubhitē'kṣayē । mahāmāyē mahēśāni kāmēśvari namō'stu tē ॥ 3 ॥ bhīmākṣi bhīṣaṇē dēvi sarvabhūtakṣayaṅkari । kāli cha vikarāli cha kāmēśvari namō'stu tē ॥ 3 ॥ kāli karālavikrāntē kāmēśvari harapriyē । sarvaśāstrasārabhūtē kāmēśvari namō'stu tē ॥ 4 ॥ kāmarūpapradīpē cha nīlakūṭanivāsini । niśumbhaśumbhamathani kāmēśvari namō'stu tē ॥ 5 ॥ kāmākhyē kāmarūpasthē kāmēśvari haripriyē । kāmanāṃ dēhi mē nityaṃ kāmēśvari namō'stu tē ॥ 6 ॥ vapānāḍhyamahāvaktrē tathā tribhuvanēśvari । mahiṣāsuravadhē dēvi kāmēśvari namō'stu tē ॥ 7 ॥ Chāgatuṣṭē mahābhīmē kāmākhyē suravanditē । jaya kāmapradē tuṣṭē kāmēśvari namō'stu tē ॥ 8 ॥ bhraṣṭarājyō yadā rājā navamyāṃ niyataḥ śuchiḥ । aṣṭamyāṃ cha chaturdaśyāmupavāsī narōttamaḥ ॥ 9 ॥ saṃvatsarēṇa labhatē rājyaṃ niṣkaṇṭakaṃ punaḥ । ya idaṃ śṛṇuyādbhaktyā tava dēvi samudbhavam । sarvapāpavinirmuktaḥ paraṃ nirvāṇamṛchChati ॥ 10 ॥ śrīkāmarūpēśvari bhāskaraprabhēprakāśitāmbhōjanibhāyatānanē । surārirakṣaḥstutipātanōtsukētrayīmayē dēvanutē namāmi ॥ 11 ॥ sitāsitē raktapiśaṅgavigrahērūpāṇi yasyāḥ pratibhānti tāni । vikārarūpā cha vikalpitāniśubhāśubhānāmapi tāṃ namāmi ॥ 12 ॥ kāmarūpasamudbhūtē kāmapīṭhāvataṃsakē । viśvādhārē mahāmāyē kāmēśvari namō'stu tē ॥ 13 ॥ avyaktavigrahē śāntē santatē kāmarūpiṇi । kālagamyē parē śāntē kāmēśvari namō'stu tē ॥ 14 ॥ yā suṣumnāntarālasthā chintyatē jyōtirūpiṇī । praṇatō'smi parāṃ vīrāṃ kāmēśvari namō'stu tē ॥ 15 ॥ daṃṣṭrākarālavadanē muṇḍamālōpaśōbhitē । sarvataḥ sarvagē dēvi kāmēśvari namō'stu tē ॥ 16 ॥ chāmuṇḍē cha mahākāli kāli kapālahāriṇī । pāśahastē daṇḍahastē kāmēśvari namō'stu tē ॥ 17 ॥ chāmuṇḍē kulamālāsyē tīkṣṇadaṃṣṭrē mahābalē । śavayānasthitē dēvi kāmēśvari namō'stu tē ॥ 18 ॥ iti śrī kāmākhyā stōtram ।