Haindavam

📍

Font Size:

Matangi Hridayam

ekadā kautukāviṣṭā bhairavaṃ bhūtasevitam । bhairavī paripapraccha sarvabhūtahite ratā ॥ 1 ॥ śrībhairavyuvāca । bhagavan sarvadharmajña bhūtavātsalyabhāvana । ahaṃ tu vettumicchāmi sarvabhūtopakāram ॥ 2 ॥ kena mantreṇa japtena stotreṇa paṭhitena ca । sarvathā śreyasāṃ prāptirbhūtānāṃ bhūtimicchatām ॥ 3 ॥ śrībhairava uvāca । śṛṇu devi tava snehātprāyo gopyamapi priye । kathayiṣyāmi tatsarvaṃ sukhasampatkaraṃ śubham ॥ 4 ॥ paṭhatāṃ śṛṇvatāṃ nityaṃ sarvasampattidāyakam । vidyaiśvaryasukhāvāpti maṅgalapradamuttamam ॥ 5 ॥ mātaṅgyā hṛdayaṃ stotraṃ duḥkhadāridryabhañjanam । maṅgalaṃ maṅgalānāṃ ca hyasti sarvasukhapradam ॥ 6 ॥ asya śrīmātaṅgī hṛdayastotra mantrasya dakṣiṇāmūrtirṛṣiḥ virāṭ chandaḥ mātaṅgī devatā hrīṃ bījaṃ hūṃ śaktiḥ klīṃ kīlakaṃ sarvavāñchitārthasiddhyarthe pāṭhe viniyogaḥ ॥ ṛṣyādinyāsaḥ – oṃ dakṣiṇāmūrtirṛṣaye namaḥ śirasi । virāṭchandase namo mukhe । mātaṅgīdevatāyai namaḥ hṛdi । hrīṃ bījāya namaḥ guhye । hūṃ śaktaye namaḥ pādayoḥ । klīṃ kīlakāya namo nābhau । viniyogāya namaḥ sarvāṅge ॥ karanyāsaḥ – oṃ hrīṃ aṅguṣṭhābhyāṃ namaḥ । oṃ klīṃ tarjanībhyāṃ namaḥ । oṃ hūṃ madhyamābhyāṃ namaḥ । oṃ hrīṃ anāmikābhyāṃ namaḥ । oṃ klīṃ kaniṣṭhikābhyāṃ namaḥ । oṃ hūṃ karatalakarapṛṣṭhābhyāṃ namaḥ । aṅganyāsaḥ – oṃ hrīṃ hṛdayāya namaḥ । oṃ klīṃ śirase svāhā । oṃ hūṃ śikhāyai vaṣaṭ । oṃ hrīṃ netratrayāya vauṣaṭ । oṃ klīṃ kavacāya hum । oṃ hūṃ astrāya phaṭ । dhyānam । śyāmāṃ śubhrāṃśubhālāṃ trikamalanayanāṃ ratnasiṃhāsanasthāṃ bhaktābhīṣṭapradātrīṃ suranikarakarāsevyakañjāṅghriyugmām । nīlāmbhojāṃśukāntiṃ niśicaranikarāraṇyadāvāgnirūpāṃ mātaṅgīmāvahantīmabhimataphaladāṃ modinīṃ cintayāmi ॥ 7 ॥ namaste mātaṅgyai mṛdumuditatanvai tanumatāṃ paraśreyodāyai kamalacaraṇadhyānamanasām । sadā saṃsevyāyai sadasi vibudhairdivyadhiṣaṇai- -rdayārdrāyai devyai duritadalanoddaṇḍamanase ॥ 8 ॥ paraṃ mātaste yo japati manumavyagrahṛdayaḥ kavitvaṃ kalpānāṃ kalayati sukalpaḥ pratipadam । api prāyo ramyā'mṛtamayapadā tasya lalitā naṭīṃ manyā vāṇī naṭati rasanāyāṃ ca phalitā ॥ 9 ॥ tava dhyāyanto ye vapuranujapanti pravalitaṃ sadā mantraṃ mātarnahi bhavati teṣāṃ paribhavaḥ । kadambānāṃ mālāḥ śirasi yuñjanti sadaye bhavanti prāyaste yuvatijanayūthasvavaśagāḥ ॥ 10 ॥ sarojaiḥ sāhasraiḥ sarasijapadadvandvamapi ye sahasraṃ nāmoktvā tadapi tava ṅentaṃ manumitam । pṛthaṅnāmnā tenāyutakalitamarcanti khalu te sadā devavrātapraṇamitapadāmbhojayugalāḥ ॥ 11 ॥ tava prītyai mātardadati balimādhāya balinā samatsyaṃ māṃsaṃ vā surucirasitaṃ rājarucitam । supuṇyā ye svāntastava caraṇamodaikarasikā aho bhāgyaṃ teṣāṃ tribhuvanamalaṃ vaśyamakhilam ॥ 12 ॥ lasallolaśrotrābharaṇakiraṇakrāntikalitaṃ [ mitasmityāpannapratibhitamamannaṃ vikaritam ] mitasmerajyotsnāpratiphalitabhābhirvikaritam । mukhāmbhojaṃ mātastava pariluṭhadbhrūmadhukaraṃ ramā ye dhyāyanti tyajati na hi teṣāṃ subhavanam ॥ 13 ॥ paraḥ śrīmātaṅgyā japati hṛdayākhyaḥ sumanasā- -mayaṃ sevyaḥ sadyo'bhimataphaladaścātilalitaḥ । narā ye śṛṇvanti stavamapi paṭhantīmamaniśaṃ na teṣāṃ duṣprāpyaṃ jagati yadalabhyaṃ diviṣadām ॥ 14 ॥ dhanārthī dhanamāpnoti dārārthī sundarīṃ priyām । sutārthī labhate putraṃ stavasyāsya prakīrtanāt ॥ 15 ॥ vidyārthī labhate vidyāṃ vividhāṃ vibhavapradām । jayārthī paṭhanādasya jayaṃ prāpnoti niścitam ॥ 16 ॥ naṣṭarājyo labhedrājyaṃ sarvasampatsamāśritam । kuberasamasampattiḥ sa bhaveddhṛdayaṃ paṭhan ॥ 17 ॥ kimatra bahunoktena yadyadicchati mānavaḥ । mātaṅgīhṛdayastotrapāṭhāttatsarvamāpnuyāt ॥ 18 ॥ iti śrī dakṣiṇāmūrtisaṃhitāyāṃ śrī mātaṅgī hṛdaya stotram ।

Recite with devotion and pure heart

Regular practice brings spiritual benefits