tāmāhvayāmi subhagāṃ lakṣmīṃ trailokyapūjitām । ehyehi devi padmākṣi padmākarakṛtālaye ॥ 1 ॥ āgacchāgaccha varade paśya māṃ svena cakṣuṣā । āyāhyāyāhi dharmārthakāmamokṣamaye śubhe ॥ 2 ॥ evaṃ vidhaiḥ stutipadaiḥ satyaiḥ satyārthasaṃstutā । kanīyasī mahābhāgā candreṇa paramātmanā ॥ 3 ॥ niśākaraśca sā devī bhrātarau dvau payonidheḥ । utpannamātrau tāvāstāṃ śivakeśavasaṃśritau ॥ 4 ॥ sanatkumārastamṛṣiṃ samābhāṣya purātanam । proktavānitihāsaṃ tu lakṣmyāḥ stotramanuttamam ॥ 5 ॥ athedṛśānmahāghorāddāridryānnarakātkatham । muktirbhavati loke'smin dāridryaṃ yāti bhasmatām ॥ 6 ॥ sanatkumāra uvāca । pūrvaṃ kṛtayuge brahmā bhagavān sarvalokakṛt । sṛṣṭiṃ nānāvidhāṃ kṛtvā paścāccintāmupeyivān ॥ 7 ॥ kimāhārāḥ prajāstvetāḥ sambhaviṣyanti bhūtale । tathaiva cāsāṃ dāridryātkathamuttaraṇaṃ bhavet ॥ 8 ॥ dāridryānmaraṇaṃ śreyastviti sañcintya cetasi । kṣīrodasyottare kūle jagāma kamalodbhavaḥ ॥ 9 ॥ tatra tīvraṃ tapastaptvā kadācitparameśvaram । dadarśa puṇḍarīkākṣaṃ vāsudevaṃ jagadgurum ॥ 10 ॥ sarvajñaṃ sarvaśaktīnāṃ sarvāvāsaṃ sanātanam । sarveśvaraṃ vāsudevaṃ viṣṇuṃ lakṣmīpatiṃ prabhum ॥ 11 ॥ somakoṭipratīkāśaṃ kṣīrodavimale jale । anantabhogaśayanaṃ viśrāntaṃ śrīniketanam ॥ 12 ॥ koṭisūryapratīkāśaṃ mahāyogeśvareśvaram । yoganidrārataṃ śrīśaṃ sarvāvāsaṃ sureśvaram ॥ 13 ॥ jagadutpattisaṃhārasthitikāraṇakāraṇam । lakṣmyādiśaktikaraṇaṃ jātamaṇḍalamaṇḍitam ॥ 14 ॥ āyudhairdehavadbhiśca cakrādyaiḥ parivāritam । durnirīkṣyaṃ suraiḥ siddhairmahāyoniśatairapi ॥ 15 ॥ ādhāraṃ sarvaśaktīnāṃ paraṃ tejaḥ sudussaham । prabuddhaṃ devamīśānaṃ dṛṣṭvā kamalasambhavaḥ ॥ 16 ॥ śirasyañjalimādhāya stotraṃ pūrvamuvāca ha । manovāñchitasiddhiṃ tvaṃ pūrayasva maheśvara ॥ 17 ॥ jitaṃ te puṇḍarīkṣa namaste viśvabhāvana । namaste'stu hṛṣīkeśa mahāpuruṣapūrvaja ॥ 18 ॥ sarveśvara jayānanda sarvāvāsa parātpara । prasīda mama bhaktasya chindhi sandehajaṃ tamaḥ ॥ 19 ॥ evaṃ stutaḥ sa bhagavān brahmaṇā'vyaktajanmanā । prasādābhimukhaḥ prāha harirviśrāntalocanaḥ ॥ 20 ॥ śrībhagavānuvāca । hiraṇyagarbha tuṣṭo'smi brūhi yatte'bhivāñchitam । tadvakṣyāmi na sandeho bhakto'si mama suvrata ॥ 21 ॥ keśavādvacanaṃ śrutvā karuṇāviṣṭacetanaḥ । pratyuvāca mahābuddhirbhagavantaṃ janārdanam ॥ 22 ॥ caturvidhaṃ bhavasyāsya bhūtasargasya keśava । paritrāṇāya me brūhi rahasyaṃ paramādbhutam ॥ 23 ॥ dāridryaśamanaṃ dhanyaṃ manojñaṃ pāvanaṃ param । sarveśvara mahābuddhe svarūpaṃ bhairavaṃ mahat ॥ 24 ॥ śriyaḥ sarvātiśāyinyāstathā jñānaṃ ca śāśvatam । nāmāni caiva mukhyāni yāni gauṇāni cācyuta ॥ 25 ॥ tvadvaktrakamalotthāni śrotumicchāmi tattvataḥ । iti tasya vacaḥ śrutvā prativākyamuvāca saḥ ॥ 26 ॥ śrībhagavānuvāca । mahāvibhūtisamyuktā ṣāḍguṇyavapuṣaḥ prabho । bhagavadvāsudevasya nityaṃ caiṣā'napāyinī ॥ 27 ॥ ekaiva vartate'bhinnā jyotsneva himadīdhiteḥ । sarvaśaktyātmikā caiva viśvaṃ vyāpya vyavasthitā ॥ 28 ॥ sarvaiśvaryaguṇopetā nityaśuddhasvarūpiṇī । prāṇaśaktiḥ parā hyeṣā sarveṣāṃ prāṇināṃ bhuvi ॥ 29 ॥ śaktīnāṃ caiva sarvāsāṃ yonibhūtā parā kalā । ahaṃ tasyāḥ paraṃ nāmnāṃ sahasramidamuttamam ॥ 30 ॥ śṛṇuṣvāvahito bhūtvā paramaiśvaryabhūtidam । devyākhyāsmṛtimātreṇa dāridryaṃ yāti bhasmatām ॥ 31 ॥ atha stotram ॥ oṃ śrīḥ padmā prakṛtiḥ sattvā śāntā cicchaktiravyayā । kevalā niṣkalā śuddhā vyāpinī vyomavigrahā ॥ 32 ॥ vyomapadmakṛtādhārā parā vyomā matodbhavā । nirvyomā vyomamadhyasthā pañcavyomapadāśritā ॥ 33 ॥ acyutā vyomanilayā paramānandarūpiṇī । nityaśuddhā nityatṛptā nirvikārā nirīkṣaṇā ॥ 34 ॥ jñānaśaktiḥ kartṛśaktirbhoktṛśaktiḥ śikhāvahā । snehābhāsā nirānandā vibhūtirvimalā calā ॥ 35 ॥ anantā vaiṣṇavī vyaktā viśvānandā vikāśinī । śaktirvibhinnasarvārtiḥ samudraparitoṣiṇī ॥ 36 ॥ mūrtiḥ sanātanī hārdī nistaraṅgā nirāmayā । jñānajñeyā jñānagamyā jñānajñeyavikāsinī ॥ 37 ॥ svacchandaśaktirgahanā niṣkampārciḥ sunirmalā । svarūpā sarvagā'pārā bṛṃhiṇī suguṇorjitā ॥ 38 ॥ akalaṅkā nirādhārā nissaṅkalpā nirāśrayā । asaṅkīrṇā suśāntā ca śāśvatī bhāsurī sthirā ॥ 39 ॥ anaupamyā nirvikalpā niryantrā yantravāhinī । abhedyā bhedinī bhinnā bhāratī vaikharī khagā ॥ 40 ॥ agrāhyā grāhikā gūḍhā gambhīrā viśvagopinī । anirdeśyā'pratihatā nirbījā pāvanī parā ॥ 41 ॥ apratarkyā'parimitā bhavabhrāntivināśinī । ekā dvirūpā trividhā asaṅkhyātā sureśvarī ॥ 42 ॥ supratiṣṭhā mahādhātrī sthitirvṛddhirdhruvā gatiḥ । īśvarī mahimā ṛddhiḥ pramodā ujjvalodyamā ॥ 43 ॥ akṣayā vardhamānā ca suprakāśā vihaṅgamā । nīrajā jananī nityā jayā rociṣmatī śubhā ॥ 44 ॥ taponudā ca jvālā ca sudīptiścāṃśumālinī । aprameyā tridhā sūkṣmā parā nirvāṇadāyinī ॥ 45 ॥ avadātā suśuddhā ca amoghākhyā paramparā । sandhānakī śuddhavidyā sarvabhūtamaheśvarī ॥ 46 ॥ lakṣmīstuṣṭirmahādhīrā śāntirāpūraṇenavā । anugrahāśaktirādyā jagajjyeṣṭhā jagadvidhiḥ ॥ 47 ॥ satyā prahvā kriyāyogyā hyaparṇā hlādinī śivā । sampūrṇāhlādinī śuddhā jyotiṣmatyamatāvahā ॥ 48 ॥ rajovatyarkapratibhā''karṣiṇī karṣiṇī rasā । parā vasumatī devī kāntiḥ śāntirmatiḥ kalā ॥ 49 ॥ kalā kalaṅkarahitā viśāloddīpanī ratiḥ । sambodhinī hāriṇī ca prabhāvā bhavabhūtidā ॥ 50 ॥ amṛtasyandinī jīvā jananī khaṇḍikā sthirā । dhūmā kalāvatī pūrṇā bhāsurā sumatī rasā ॥ 51 ॥ śuddhā dhvaniḥ sṛtiḥ sṛṣṭirvikṛtiḥ kṛṣṭireva ca । prāpaṇī prāṇadā prahvā viśvā pāṇḍuravāsinī ॥ 52 ॥ avanirvajranalikā citrā brahmāṇḍavāsinī । anantarūpā'nantātmā'nantasthā'nantasambhavā ॥ 53 ॥ mahāśaktiḥ prāṇaśaktiḥ prāṇadātrī ratimbharā । mahāsamūhā nikhilā icchādhārā sukhāvahā ॥ 54 ॥ pratyakṣalakṣmīrniṣkampā prarohā buddhigocarā । nānādehā mahāvartā bahudehavikāsinī ॥ 55 ॥ sahasrāṇī pradhānā ca nyāyavastuprakāśikā । sarvābhilāṣapūrṇecchā sarvā sarvārthabhāṣiṇī ॥ 56 ॥ nānāsvarūpaciddhātrī śabdapūrvā purātanā । vyaktā'vyaktā jīvakeśā sarvecchāparipūritā ॥ 57 ॥ saṅkalpasiddhā sāṅkhyeyā tattvagarbhā dharāvahā । bhūtarūpā citsvarūpā triguṇā guṇagarvitā ॥ 58 ॥ prajāpatīśvarī raudrī sarvādhārā sukhāvahā । kalyāṇavāhikā kalyā kalikalmaṣanāśinī ॥ 59 ॥ nīrūpodbhinnasantānā suyantrā triguṇālayā । mahāmāyā yogamāyā mahāyogeśvarī priyā ॥ 60 ॥ mahāstrī vimalā kīrtirjayā lakṣmīrnirañjanā । prakṛtirbhagavanmāyāśaktirnidrā yaśaskarī ॥ 61 ॥ cintā buddhiryaśaḥ prajñā śāntirāprītivardhinī । pradyumnamātā sādhvī ca sukhasaubhāgyasiddhidā ॥ 62 ॥ kāṣṭhā niṣṭhā pratiṣṭhā ca jyeṣṭhā śreṣṭhā jayāvahā । sarvātiśāyinī prītirviśvaśaktirmahābalā ॥ 63 ॥ variṣṭhā vijayā vīrā jayantī vijayapradā । hṛdgṛhā gopinī guhyā gaṇagandharvasevitā ॥ 64 ॥ yogīśvarī yogamāyā yoginī yogasiddhidā । mahāyogeśvaravṛtā yogā yogeśvarapriyā ॥ 65 ॥ brahmendrarudranamitā surāsuravarapradā । trivartmagā trilokasthā trivikramapadodbhavā ॥ 66 ॥ sutārā tāriṇī tārā durgā santāriṇī parā । sutāriṇī tārayantī bhūritāreśvaraprabhā ॥ 67 ॥ guhyavidyā yajñavidyā mahāvidyā suśobhitā । adhyātmavidyā vighneśī padmasthā parameṣṭhinī ॥ 68 ॥ ānvīkṣikī trayī vārtā daṇḍanītirnayātmikā । gaurī vāgīśvarī goptrī gāyatrī kamalodbhavā ॥ 69 ॥ viśvambharā viśvarūpā viśvamātā vasupradā । siddhiḥ svāhā svadhā svastiḥ sudhā sarvārthasādhinī ॥ 70 ॥ icchā sṛṣṭirdyutirbhūtiḥ kīrtiḥ śraddhā dayā matiḥ । śrutirmedhā dhṛtirhrīḥ śrīrvidyā vibudhavanditā ॥ 71 ॥ anasūyā ghṛṇā nītirnirvṛtiḥ kāmadhukkarā । pratijñā santatirbhūtirdyauḥ prajñā viśvamāninī ॥ 72 ॥ smṛtirvāgviśvajananī paśyantī madhyamā samā । sandhyā medhā prabhā bhīmā sarvākārā sarasvatī ॥ 73 ॥ kāṅkṣā māyā mahāmāyā mohinī mādhavapriyā । saumyābhogā mahābhogā bhoginī bhogadāyinī ॥ 74 ॥ sudhautakanakaprakhyā suvarṇakamalāsanā । hiraṇyagarbhā suśroṇī hāriṇī ramaṇī ramā ॥ 75 ॥ candrā hiraṇmayī jyotsnā ramyā śobhā śubhāvahā । trailokyamaṇḍanā nārīnareśvaravarārcitā ॥ 76 ॥ trailokyasundarī rāmā mahāvibhavavāhinī । padmasthā padmanilayā padmamālāvibhūṣitā ॥ 77 ॥ padmayugmadharā kāntā divyābharaṇabhūṣitā । vicitraratnamukuṭā vicitrāmbarabhūṣaṇā ॥ 78 ॥ vicitramālyagandhāḍhyā vicitrāyudhavāhanā । mahānārāyaṇī devī vaiṣṇavī vīravanditā ॥ 79 ॥ kālasaṅkarṣiṇī ghorā tattvasaṅkarṣiṇī kalā । jagatsampūraṇī viśvā mahāvibhavabhūṣaṇā ॥ 80 ॥ vāruṇī varadā vyākhyā ghaṇṭākarṇavirājitā । nṛsiṃhī bhairavī brāhmī bhāskarī vyomacāriṇī ॥ 81 ॥ aindrī kāmadhanuḥ sṛṣṭiḥ kāmayonirmahāprabhā । dṛṣṭā kāmyā viśvaśaktirbījagatyātmadarśanā ॥ 82 ॥ garuḍārūḍhahṛdayā cāndrī śrīrmadhurānanā । mahograrūpā vārāhī nārasiṃhī hatāsurā ॥ 83 ॥ yugāntahutabhugjvālā karālā piṅgalā kalā । trailokyabhūṣaṇā bhīmā śyāmā trailokyamohinī ॥ 84 ॥ mahotkaṭā mahāraktā mahācaṇḍā mahāsanā । śaṅkhinī lekhinī svasthā likhitā khecareśvarī ॥ 85 ॥ bhadrakālī caikavīrā kaumārī bhagamālinī । kalyāṇī kāmadhugjvālāmukhī cotpalamālikā ॥ 86 ॥ bālikā dhanadā sūryā hṛdayotpalamālikā । ajitā varṣiṇī rītirbheruṇḍā garuḍāsanā ॥ 87 ॥ vaiśvānarī mahāmāyā mahākālī vibhīṣaṇā । mahāmandāravibhavā śivānandā ratipriyā ॥ 88 ॥ udrītiḥ padmamālā ca dharmavegā vibhāvanī । satkriyā devasenā ca hiraṇyarajatāśrayā ॥ 89 ॥ sahasāvartamānā ca hastinādaprabodhinī । hiraṇyapadmavarṇā ca haribhadrā sudurdharā ॥ 90 ॥ sūryā hiraṇyaprakaṭasadṛśī hemamālinī । padmānanā nityapuṣṭā devamātā'mṛtodbhavā ॥ 91 ॥ mahādhanā ca yā śṛṅgī kardamī kambukandharā । ādityavarṇā candrābhā gandhadvārā durāsadā ॥ 92 ॥ varārcitā varārohā vareṇyā viṣṇuvallabhā । kalyāṇī varadā vāmā vāmeśī vindhyavāsinī ॥ 93 ॥ yoganidrā yogaratā devakīkāmarūpiṇī । kaṃsavidrāviṇī durgā kaumārī kauśikī kṣamā ॥ 94 ॥ kātyāyanī kālarātrirniśitṛptā sudurjayā । virūpākṣī viśālākṣī bhaktānāṃ parirakṣiṇī ॥ 95 ॥ bahurūpā svarūpā ca virūpā rūpavarjitā । ghaṇṭāninādabahulā jīmūtadhvaninissvanā ॥ 96 ॥ mahādevendramathinī bhrukuṭīkuṭilānanā । satyopayācitā caikā kauberī brahmacāriṇī ॥ 97 ॥ āryā yaśodāsutadā dharmakāmārthamokṣadā । dāridryaduḥkhaśamanī ghoradurgārtināśinī ॥ 98 ॥ bhaktārtiśamanī bhavyā bhavabhargāpahāriṇī । kṣīrābdhitanayā padmā kamalā dharaṇīdharā ॥ 99 ॥ rukmiṇī rohiṇī sītā satyabhāmā yaśasvinī । prajñādhārā'mitaprajñā vedamātā yaśovatī ॥ 100 ॥ samādhirbhāvanā maitrī karuṇā bhaktavatsalā । antarvedī dakṣiṇā ca brahmacaryaparāgatiḥ ॥ 101 ॥ dīkṣā vīkṣā parīkṣā ca samīkṣā vīravatsalā । ambikā surabhiḥ siddhā siddhavidyādharārcitā ॥ 102 ॥ sudīptā lelihānā ca karālā viśvapūrakā । viśvasaṃhāriṇī dīptistāpanī tāṇḍavapriyā ॥ 103 ॥ udbhavā virajā rājñī tāpanī bindumālinī । kṣīradhārāsuprabhāvā lokamātā suvarcasā ॥ 104 ॥ havyagarbhā cājyagarbhā juhvato yajñasambhavā । āpyāyanī pāvanī ca dahanī dahanāśrayā ॥ 105 ॥ mātṛkā mādhavī mucyā mokṣalakṣmīrmahardhidā । sarvakāmapradā bhadrā subhadrā sarvamaṅgalā ॥ 106 ॥ śvetā suśuklavasanā śuklamālyānulepanā । haṃsā hīnakarī haṃsī hṛdyā hṛtkamalālayā ॥ 107 ॥ sitātapatrā suśroṇī padmapatrāyatekṣaṇā । sāvitrī satyasaṅkalpā kāmadā kāmakāminī ॥ 108 ॥ darśanīyā dṛśā dṛśyā spṛśyā sevyā varāṅganā । bhogapriyā bhogavatī bhogīndraśayanāsanā ॥ 109 ॥ ārdrā puṣkariṇī puṇyā pāvanī pāpasūdanī । śrīmatī ca śubhākārā paramaiśvaryabhūtidā ॥ 110 ॥ acintyānantavibhavā bhavabhāvavibhāvanī । niśreṇiḥ sarvadehasthā sarvabhūtanamaskṛtā ॥ 111 ॥ balā balādhikā devī gautamī gokulālayā । toṣiṇī pūrṇacandrābhā ekānandā śatānanā ॥ 112 ॥ udyānanagaradvāraharmyopavanavāsinī । kūṣmāṇḍī dāruṇā caṇḍā kirātī nandanālayā ॥ 113 ॥ kālāyanā kālagamyā bhayadā bhayanāśinī । saudāminī megharavā daityadānavamardinī ॥ 114 ॥ jaganmātā'bhayakarī bhūtadhātrī sudurlabhā । kāśyapī śubhadānā ca vanamālā śubhā varā ॥ 115 ॥ dhanyā dhanyeśvarī dhanyā ratnadā vasuvardhinī । gāndharvī revatī gaṅgā śakunī vimalānanā ॥ 116 ॥ iḍā śāntikarī caiva tāmasī kamalālayā । ājyapā vajrakaumārī somapā kusumāśrayā ॥ 117 ॥ jagatpriyā ca sarathā durjayā khagavāhanā । manobhavā kāmacārā siddhacāraṇasevitā ॥ 118 ॥ vyomalakṣmīrmahālakṣmīstejolakṣmīḥ sujājvalā । rasalakṣmīrjagadyonirgandhalakṣmīrvanāśrayā ॥ 119 ॥ śravaṇā śrāvaṇī netrī rasanāprāṇacāriṇī । viriñcimātā vibhavā varavārijavāhanā ॥ 120 ॥ vīryā vīreśvarī vandyā viśokā vasuvardhinī । anāhatā kuṇḍalinī nalinī vanavāsinī ॥ 121 ॥ gāndhāriṇīndranamitā surendranamitā satī । sarvamaṅgalyamāṅgalyā sarvakāmasamṛddhidā ॥ 122 ॥ sarvānandā mahānandā satkīrtiḥ siddhasevitā । sinīvālī kuhū rākā amā cānumatirdyutiḥ ॥ 123 ॥ arundhatī vasumatī bhārgavī vāstudevatā । mayūrī vajravetālī vajrahastā varānanā ॥ 124 ॥ anaghā dharaṇirdhīrā dhamanī maṇibhūṣaṇā । rājaśrīrūpasahitā brahmaśrīrbrahmavanditā ॥ 125 ॥ jayaśrīrjayadā jñeyā sargaśrīḥ svargatiḥ satām । supuṣpā puṣpanilayā phalaśrīrniṣkalapriyā ॥ 126 ॥ dhanurlakṣmīstvamilitā parakrodhanivāriṇī । kadrūrdhanāyuḥ kapilā surasā suramohinī ॥ 127 ॥ mahāśvetā mahānīlā mahāmūrtirviṣāpahā । suprabhā jvālinī dīptistṛptirvyāptiḥ prabhākarī ॥ 128 ॥ tejovatī padmabodhā madalekhāruṇāvatī । ratnā ratnāvalībhūtā śatadhāmā śatāpahā ॥ 129 ॥ triguṇā ghoṣiṇī rakṣyā nardinī ghoṣavarjitā । sādhyā'ditirditirdevī mṛgavāhā mṛgāṅkagā ॥ 130 ॥ citranīlotpalagatā vṛṣaratnakarāśrayā । hiraṇyarajatadvandvā śaṅkhabhadrāsanasthitā ॥ 131 ॥ gomūtragomayakṣīradadhisarpirjalāśrayā । marīciścīravasanā pūrṇacandrārkaviṣṭarā ॥ 132 ॥ susūkṣmā nirvṛtiḥ sthūlā nivṛttārātireva ca । marīcijvālinī dhūmrā havyavāhā hiraṇyadā ॥ 133 ॥ dāyinī kālinī siddhiḥ śoṣiṇī samprabodhinī । bhāsvarā saṃhatistīkṣṇā pracaṇḍajvalanojjvalā ॥ 134 ॥ sāṅgā pracaṇḍā dīptā ca vaidyutiḥ sumahādyutiḥ । kapilā nīlaraktā ca suṣumnā visphuliṅginī ॥ 135 ॥ arciṣmatī ripuharā dīrghā dhūmāvalī jarā । sampūrṇamaṇḍalā pūṣā sraṃsinī sumanoharā ॥ 136 ॥ jayā puṣṭikarī chāyā mānasā hṛdayojjvalā । suvarṇakaraṇī śreṣṭhā mṛtasañjīvanī raṇe ॥ 137 ॥ viśalyakaraṇī śubhrā sandhinī paramauṣadhiḥ । brahmiṣṭhā brahmasahitā aindavī ratnasambhavā ॥ 138 ॥ vidyutprabhā bindumatī trisvabhāvaguṇāmbikā । nityoditā nityadṛṣṭā nityakāmakarīṣiṇī ॥ 139 ॥ padmāṅkā vajracihnā ca vakradaṇḍavibhāsinī । videhapūjitā kanyā māyā vijayavāhinī ॥ 140 ॥ māninī maṅgalā mānyā māninī mānadāyinī । viśveśvarī gaṇavatī maṇḍalā maṇḍaleśvarī ॥ 141 ॥ haripriyā bhaumasutā manojñā matidāyinī । pratyaṅgirā somaguptā mano'bhijñā vadanmatiḥ ॥ 142 ॥ yaśodharā ratnamālā kṛṣṇā trailokyabandhinī । amṛtā dhāriṇī harṣā vinatā vallakī śacī ॥ 143 ॥ saṅkalpā bhāminī miśrā kādambaryamṛtā prabhā । āgatā nirgatā vajrā suhitā sahitā'kṣatā ॥ 144 ॥ sarvārthasādhanakarī dhāturdhāraṇikā'malā । karuṇādhārasambhūtā kamalākṣī śaśipriyā ॥ 145 ॥ saumyarūpā mahādīptā mahājvālā vikāsinī । mālā kāñcanamālā ca sadvajrā kanakaprabhā ॥ 146 ॥ prakriyā paramā yoktrī kṣobhikā ca sukhodayā । vijṛmbhaṇā ca vajrākhyā śṛṅkhalā kamalekṣaṇā ॥ 147 ॥ jayaṅkarī madhumatī haritā śaśinī śivā । mūlaprakṛtirīśānī yogamātā manojavā ॥ 148 ॥ dharmodayā bhānumatī sarvābhāsā sukhāvahā । dhurandharā ca bālā ca dharmasevyā tathāgatā ॥ 149 ॥ sukumārā saumyamukhī saumyasambodhanottamā । sumukhī sarvatobhadrā guhyaśaktirguhālayā ॥ 150 ॥ halāyudhā ca kāvīrā sarvaśāstrasudhāriṇī । vyomaśaktirmahādehā vyomagā madhumanmayī ॥ 151 ॥ gaṅgā vitastā yamunā candrabhāgā sarasvatī । tilottamorvaśī rambhā svāminī surasundarī ॥ 152 ॥ bāṇapraharaṇā bālā bimboṣṭhī cāruhāsinī । kakudminī cārupṛṣṭhā dṛṣṭādṛṣṭaphalapradā ॥ 153 ॥ kāmyacārī ca kāmyā ca kāmācāravihāriṇī । himaśailendrasaṅkāśā gajendravaravāhanā ॥ 154 ॥ aśeṣasukhasaubhāgyasampadāṃ yoniruttamā । sarvotkṛṣṭā sarvamayī sarvā sarveśvarapriyā ॥ 155 ॥ sarvāṅgayoniḥ sā'vyaktā sampradhāneśvareśvarī । viṣṇuvakṣaḥsthalagatā kimataḥ paramucyate ॥ 156 ॥ parā nirmahimā devī harivakṣaḥsthalāśrayā । sā devī pāpahantrī ca sānnidhyaṃ kurutānmama ॥ 157 ॥ iti nāmnāṃ sahasraṃ tu lakṣmyāḥ proktaṃ śubhāvaham । parāvareṇa bhedena mukhyagauṇena bhāgataḥ ॥ 158 ॥ yaścaitatkīrtayennityaṃ śṛṇuyādvāpi padmaja । śuciḥ samāhito bhūtvā bhaktiśraddhāsamanvitaḥ ॥ 159 ॥ śrīnivāsaṃ samabhyarcya puṣpadhūpānulepanaiḥ । bhogaiśca madhuparkādyairyathāśakti jagadgurum ॥ 160 ॥ tatpārśvasthāṃ śriyaṃ devīṃ sampūjya śrīdharapriyām । tato nāmasahasreṇa toṣayetparameśvarīm ॥ 161 ॥ nāmaratnāvalīstotramidaṃ yaḥ satataṃ paṭhet । prasādābhimukhī lakṣmīḥ sarvaṃ tasmai prayacchati ॥ 162 ॥ yasyā lakṣmyāśca sambhūtāḥ śaktayo viśvagāḥ sadā । kāraṇatvaṃ na tiṣṭhanti jagatyasmiṃścarācare ॥ 163 ॥ tasmātprītā jaganmātā śrīryasyācyutavallabhā । suprītāḥ śaktayastasya siddhimiṣṭāṃ diśanti hi ॥ 164 ॥ eka eva jagatsvāmī śaktimānacyutaḥ prabhuḥ । tadaṃśaśaktimanto'nye brahmeśānādayo yathā ॥ 168 ॥ tathaivaikā parā śaktiḥ śrīstasya karuṇāśrayā । jñānādiṣāḍguṇyamayī yā proktā prakṛtiḥ parā ॥ 166 ॥ ekaikaśaktiḥ śrīstasyā dvitīyātmani vartate । parā pareśī sarveśī sarvākārā sanātanī ॥ 167 ॥ anantanāmadheyā ca śakticakrasya nāyikā । jagaccarācaramidaṃ sarvaṃ vyāpya vyavasthitā ॥ 168 ॥ tasmādekaiva paramā śrīrjñeyā viśvarūpiṇī । saumyā saumyena rūpeṇa saṃsthitā naṭajīvavat ॥ 169 ॥ yo yo jagati pumbhāvaḥ sa viṣṇuriti niścayaḥ । yā yā tu nārībhāvasthā tatra lakṣmīrvyavasthitā ॥ 170 ॥ prakṛteḥ puruṣāccānyastṛtīyo naiva vidyate । atha kiṃ bahunoktena naranārīmayo hariḥ ॥ 171 ॥ anekabhedabhinnastu kriyate parameśvaraḥ । mahāvibhūtiṃ dayitāṃ ye stuvantyacyutapriyām ॥ 172 ॥ te prāpnuvanti paramāṃ lakṣmīṃ saṃśuddhacetasaḥ । padmayoniridaṃ prāpya paṭhan stotramidaṃ kramāt ॥ 173 ॥ divyamaṣṭaguṇaiśvaryaṃ tatprasādācca labdhavān । sakāmānāṃ ca phaladāmakāmānāṃ ca mokṣadām ॥ 174 ॥ pustakākhyāṃ bhayatrātrīṃ sitavastrāṃ trilocanām । mahāpadmaniṣaṇṇāṃ tāṃ lakṣmīmajaratāṃ namaḥ ॥ 175 ॥ karayugalagṛhītaṃ pūrṇakumbhaṃ dadhānā kvacidamalagatasthā śaṅkhapadmākṣapāṇiḥ । kvacidapi dayitāṅge cāmaravyagrahastā kvacidapi sṛṇipāśaṃ bibhratī hemakāntiḥ ॥ 176 ॥ iti padmapurāṇe kāśmīravarṇane hiraṇyagarbhahṛdaye sarvakāmapradāyakaṃ puruṣottamaproktaṃ śrī lakṣmī sahasra nāma stotram ॥