ದಕ್ಷಿಣಾಮೂರ್ತಿ ಪಂಚರತ್ನ ಸ್ತವಂ

ಮತ್ತರೋಗಶಿರೋಪರಿಸ್ಥಿತನೃತ್ಯಮಾನಪದಾಂಬುಜಂ

ಭಕ್ತಚಿಂತಿತಸಿದ್ಧಿಕಾಲವಿಚಕ್ಷಣಂ ಕಮಲೇಕ್ಷಣಂ ।

ಭುಕ್ತಿಮುಕ್ತಿಫಲಪ್ರದಂ ಭುವಿ ಪದ್ಮಜಾಚ್ಯುತಪೂಜಿತಂ

ದಕ್ಷಿಣಾಮುಖಮಾಶ್ರಯೇ ಮಮ ಸರ್ವಸಿದ್ಧಿದಮೀಶ್ವರಂ ॥ 1 ॥

ವಿತ್ತದಪ್ರಿಯಮರ್ಚಿತಂ ಕೃತಕೃಶಾ ತೀವ್ರತಪೋವ್ರತೈಃ

ಮುಕ್ತಿಕಾಮಿಭಿರಾಶ್ರಿತೈಃ ಮುಹುರ್ಮುನಿಭಿರ್ದೃಢಮಾನಸೈಃ ।

ಮುಕ್ತಿದಂ ನಿಜಪಾದಪಂಕಜಸಕ್ತಮಾನಸಯೋಗಿನಾಂ

ದಕ್ಷಿಣಾಮುಖಮಾಶ್ರಯೇ ಮಮ ಸರ್ವಸಿದ್ಧಿದಮೀಶ್ವರಂ ॥ 2 ॥

ಕೃತ್ತದಕ್ಷಮಖಾಧಿಪಂ ವರವೀರಭದ್ರಗಣೇನ ವೈ

ಯಕ್ಷರಾಕ್ಷಸಮರ್ತ್ಯಕಿನ್ನರದೇವಪನ್ನಗವಂದಿತಂ ।

ರತ್ನಭುಗ್ಗಣನಾಥಭೃದ್ಭ್ರಮರಾರ್ಚಿತಾಂಘ್ರಿಸರೋರುಹಂ

ದಕ್ಷಿಣಾಮುಖಮಾಶ್ರಯೇ ಮಮ ಸರ್ವಸಿದ್ಧಿದಮೀಶ್ವರಂ ॥ 3 ॥

ನಕ್ತನಾದಕಲಾಧರಂ ನಗಜಾಪಯೋಧರಮಂಡಲಂ

ಲಿಪ್ತಚಂದನಪಂಕಕುಂಕುಮಮುದ್ರಿತಾಮಲವಿಗ್ರಹಂ ।

ಶಕ್ತಿಮಂತಮಶೇಷಸೃಷ್ಟಿವಿಧಾನಕೇ ಸಕಲಂ ಪ್ರಭುಂ

ದಕ್ಷಿಣಾಮುಖಮಾಶ್ರಯೇ ಮಮ ಸರ್ವಸಿದ್ಧಿದಮೀಶ್ವರಂ ॥ 4 ॥

ರಕ್ತನೀರಜತುಲ್ಯಪಾದಪಯೋಜ ಸನ್ಮಣಿ ನೂಪುರಂ

ಬಂಧನತ್ರಯಭೇದ ಪೇಶಲ ಪಂಕಜಾಕ್ಷ ಶಿಲೀಮುಖಂ ।

ಹೇಮಶೈಲಶರಾಸನಂ ಪೃಥು ಶಿಂಜಿನೀಕೃತ ದಕ್ಷಕಂ

ದಕ್ಷಿಣಾಮುಖಮಾಶ್ರಯೇ ಮಮ ಸರ್ವಸಿದ್ಧಿದಮೀಶ್ವರಂ ॥ 5 ॥

ಯಃ ಪಠೇಚ್ಚ ದಿನೇ ದಿನೇ ಸ್ತವಪಂಚರತ್ನಮುಮಾಪತೇಃ

ಪುರಾತಲೇ ಮಯಾಕೃತಂ ನಿಖಿಲಾಗಮಮೂಲಮಹಾನಲಂ ।

ತಸ್ಯ ಪುತ್ರಕಲತ್ರಮಿತ್ರಧನಾನಿ ಸಂತು ಕೃಪಾಬಲಾತ್

ತೇ ಮಹೇಶ್ವರ ಶಂಕರಾಖಿಲವಿಶ್ವನಾಯಕ ಶಾಶ್ವತ ॥ 6 ॥

ಇತಿ ಅಗಸ್ತ್ಯ ಕೃತ ಶ್ರೀ ದಕ್ಷಿಣಾಮೂರ್ತಿ ಪಂಚರತ್ನ ಸ್ತವಂ ।

Recite with devotion and pure heart

Regular practice brings spiritual benefits