हैंహైHaindavamஹிહિં
📍
Font Size:
కాలభైరవ కకార అష్టోత్తరశతనామ స్తోత్రం
అస్య శ్రీశాక్తానందపీయూషస్య నామ శ్రీకాలభైరవాష్టోత్తరశతనామ స్తోత్ర మహామంత్రస్య శ్రీ ఆనందభైరవ ఋషిః అనుష్టుప్ ఛందః శ్రీ కాలభైరవో దేవతా హ్రీం బీజం హ్సౌః శక్తిః క్ష్ఫ్రౌం కీలకం శ్రీకాలభైరవప్రసాదసిద్ధ్యర్థే జపే వినియోగః ॥
ఋష్యాదిన్యాసాః –
శ్రీఆనందభైరవ ఋషయే నమః శిరసి ।
అనుష్టుప్ ఛందసే నమో ముఖే ।
శ్రీకాలభైరవ దేవతాయై నమో హృదయే ।
హ్రీం బీజాయ నమో గుహ్యే ।
హ్సౌః శక్తయే నమః పాదయోః ।
క్ష్ఫ్రౌం కీలకాయ నమో నాభౌ ।
వినియోగాయ నమః సర్వాంగే ॥
కరన్యాసాః –
క్ష్ఫ్రాం అంగుష్ఠాభ్యాం నమః ।
క్ష్ఫ్రీం తర్జనీభ్యాం నమః ।
క్ష్ఫ్రూం మధ్యమాభ్యాం నమః ।
క్ష్ఫ్రైం అనామికాభ్యాం నమః ।
క్ష్ఫ్రౌం కనిష్ఠికాభ్యాం నమః ।
క్ష్ఫ్రః కరతలకరపృష్ఠాభ్యాం నమః ॥
హృదయాదిన్యాసాః –
క్ష్ఫ్రాం హృదయాయ నమః ।
క్ష్ఫ్రీం శిరసే స్వాహా ।
క్ష్ఫ్రూం శిఖాయై వషట్ ।
క్ష్ఫ్రైం కవచాయ హుం ।
క్ష్ఫ్రౌం నేత్రత్రయాయ వౌషట్ ।
క్ష్ఫ్రః అస్త్రాయ ఫట్ ॥
ధ్యానం –
శ్వస్థం త్రీక్షణశోభితం శ్రితజనోద్ధారం కృపాసాగరం
ఆమ్నాయాస్యకరోటిఖర్పకరం దండం ధరంతం సదా ।
శ్రీకాశీపురనాయకం సకలమంత్రర్షీశ్వరం మోక్షదం
ధ్యాయేత్తం హృది కాలభైరవగురుం కాంతాసమేతం పరం ॥
స్తోత్రం –
కాలభైరవదేవః కాలకాలః కాలదండధృక్ ।
కాలాత్మా కామమంత్రాత్మా కాశికాపురనాయకః ॥ 1 ॥
కరుణావారిధిః కాంతామిలితః కాలికాతనుః ।
కాలజః కుక్కురారూఢః కపాలీ కాలనేమిహా ॥ 2 ॥
కాలకంఠః కటాక్షానుగృహీతాఖిలసేవకః ।
కపాలఖర్పరోత్కృష్టభిక్షాపాత్రధరః కవిః ॥ 3 ॥
కల్పాంతదహనాకారః కలానిధికలాధరః ।
కపాలమాలికాభూషః కాలీకులవరప్రదః ॥ 4 ॥
కాలీకలావతీదీక్షాసంస్కారోపాసనప్రియః ।
కాలికాదక్షపార్శ్వస్థః కాలీవిద్యాస్వరూపవాన్ ॥ 5 ॥
కాలీకూర్చసమాయుక్తభువనాకూటభాసురః ।
కాలీధ్యానజపాసక్తహృదగారనివాసకః ॥ 6 ॥
కాలికావరివస్యాదిప్రదానకల్పపాదపః ।
కాల్యుగ్రావాసవబ్రాహ్మీప్రముఖాచార్యనాయకః ॥ 7 ॥
కంకాలమాలికాధారీ కమనీయజటాధరః ।
కోణరేఖాష్టపత్రస్థప్రదేశబిందుపీఠగః ॥ 8 ॥
కదలీకరవీరార్కకంజహోమార్చనప్రియః ।
కూర్మపీఠాదిశక్తీశః కలాకాష్ఠాదిపాలకః ॥ 9 ॥
కటప్రూః కామసంచారీ కామారిః కామరూపవాన్ ।
కంఠాదిసర్వచక్రస్థః క్రియాదికోటిదీపకః ॥ 10 ॥
కర్ణహీనోపవీతాభః కనకాచలదేహవాన్ ।
కందరాకారదహరాకాశభాసురమూర్తిమాన్ ॥ 11 ॥
కపాలమోచనానందః కాలరాజః క్రియాప్రదః ।
కరణాధిపతిః కర్మకారకః కర్తృనాయకః ॥ 12 ॥
కంఠాద్యఖిలదేశాహిభూషణాఢ్యః కలాత్మకః ।
కర్మకాండాధిపః కిల్బిషమోచీ కామకోష్ఠకః ॥ 13 ॥
కలకంఠారవానందీ కర్మశ్రద్ధవరప్రదః ।
కుణపాకీర్ణకాంతారసంచారీ కౌముదీస్మితః ॥ 14 ॥
కింకిణీమంజునిక్వాణకటీసూత్రవిరాజితః ।
కల్యాణకృత్కలిధ్వంసీ కర్మసాక్షీ కృతజ్ఞపః ॥ 15 ॥
కరాలదంష్ట్రః కందర్పదర్పఘ్నః కామభేదనః ।
కాలాగురువిలిప్తాంగః కాతరార్తాభయప్రదః ॥ 16 ॥
కలందికాప్రదః కాలీభక్తలోకవరప్రదః ।
కామినీకాంచనాబద్ధమోచకః కమలేక్షణః ॥ 17 ॥
కాదంబరీరసాస్వాదలోలుపః కాంక్షితార్థదః ।
కబంధనావః కామాఖ్యాకాంచ్యాదిక్షేత్రపాలకః ॥ 18 ॥
కైవల్యప్రదమందారః కోటిసూర్యసమప్రభః ।
క్రియేచ్ఛాజ్ఞానశక్తిప్రదీపకానలలోచనః ॥ 19 ॥
కామ్యాదికర్మసర్వస్వఫలదః కర్మపోషకః ।
కార్యకారణనిర్మాతా కారాగృహవిమోచకః ॥ 20 ॥
కాలపర్యాయమూలస్థః కార్యసిద్ధిప్రదాయకః ।
కాలానురూపకర్మాంగమోషణభ్రాంతినాశనః ॥ 21 ॥
కాలచక్రప్రభేదీ కాలిమ్మన్యయోగినీప్రియః ।
కాహలాదిమహావాద్యతాలతాండవలాలసః ॥ 22 ॥
కులకుండలినీశాక్తయోగసిద్ధిప్రదాయకః ।
కాలరాత్రిమహారాత్రిశివారాత్ర్యాదికారకః ॥ 23 ॥
కోలాహలధ్వనిః కోపీ కౌలమార్గప్రవర్తకః ।
కర్మకౌశల్యసంతోషీ కేలిభాషణలాలసః ॥ 24 ॥
కృత్స్నప్రవృత్తివిశ్వాండపంచకృత్యవిధాయకః ।
కాలనాథపరః కారః కాలధర్మప్రవర్తకః ॥ 25 ॥
కులాచార్యః కులాచారరతః కుహ్వష్టమీప్రియః ।
కర్మబంధాఖిలచ్ఛేదీ కోష్ఠస్థభైరవాగ్రణీః ॥ 26 ॥
కఠోరౌజస్యభీష్మాజ్ఞాపాలకింకరసేవితః ।
కాలరుద్రః కాలవేలాహోరాంశమూర్తిమాన్ కరః ॥ 27 ॥
ఇత్యుక్తం గురునాథస్య నామ్నామష్టోత్తరం శతం ।
శ్రీకాలభైరవస్యేదం రహస్యమతిపావనం ॥ 28 ॥
శ్రీశాక్తానందపీయుషం మోక్షసాధనముత్తమం ।
విద్యాసర్వస్వసారాఢ్యం యోగినీహృదయంగమం ॥ 29 ॥
పుణ్యం సుదుర్లభం గోప్యం శమథప్రదమౌషధం ।
కకారమాతృకాబృంహం గుర్వనుగ్రహసిద్ధిదం ॥ 30 ॥
యో జపేత్పరయా భక్త్యా ప్రేమధ్యానపరః సదా ।
గురుప్రసాదాల్లభతే వరం సర్వమభీప్సితం ॥ 31 ॥
ఇతి శ్రీ కాలభైరవ కకార అష్టోత్తరశతనామ స్తోత్రం ।
Recite with devotion and pure heart
Regular practice brings spiritual benefits